Iň arzyly Olimpiada
Medallary, münberleri, ýeňişleri, utulyşlary, şatlyklary, ahmyrlary, garaşylan we garaşylmadyk netijeleri bilen XXXII tomusky Olimpiýa oýunlary taryha siňdi.
Tokio—2020-ni mähir bilen ýatlajak millionlarça janköýerleriň arasynda türkmenistanlylar hem bolar. Çünki bu Olimpiýa oýunlary bize ilkinji medalymyzy bagyşlady. Agyr atletika boýunça zenanlaryň arasynda 59 kilograma çenli agram derejesinde ýaryşan Polina Gurýewa kümüş medala mynasyp boldy. Şeýlelikde, Türkmenistan Olimpiýa oýunlaryna gatnaşan 200-den gowrak döwletiň arasynda 70-den gowrak medally döwletleriň biri boldy. Nesip bolsa, bu üstünlik nobatdaky Olimpiýa oýunlarynda gazanjak has uly sepgitlerimiziň badalgasy bolar.
Ýurdumyzyň sport wekiliýetine 9 türgen wekilçilik etdi. Olaryň biri dzýudo, ýene biri ýeňil atletika, ikisi suwda ýüzmek, galan bäşisi bolsa agyr atletika boýunça ýaryşlara gatnaşdy.
Umuman, agyr atletikaçylarymyzyň şu gezekki Olimpiýa oýunlarynda has netijeli çykyş edendigini aýratyn nygtamak gerek. Polina Gurýewadan başga-da, erkekleriň arasynda 109 kilogramdan ýokary agram derejesinde çykyş eden Hojamuhammet Toýçyýewiň görkezen netijesi hormat münberine bary-ýogy bir basgançak ýetmedi. Başga bir zenan agyr atletikaçymyz Kristina Şermetowa 55 kilograma çenli agram derejesinde iň güýçli alty türgeniň biri boldy. 109 kilograma çenli agramda «B» toparçada çykyş edendigine garamazdan, Öwez Öwezow iň güýçlüleriň 10-lugyna girdi. Ştangany silterläp götermekde üçünji orny eýelän Rejepbaý Rejebow iteklemekde 198 kilogram agyrlygy eýgeren hem bolsa, käbir sebäplere görä, bu agyrlyk eminler tarapyndan kabul edilmedi.
Suwda ýüzüjilerimiz Merdan Ataýew bilen Darýa Semýonowa öz toparçalarynda üstünlikli çykyş edip, bellenen aralygy öňdäkileriň hatarynda geçdiler. Ýöne olaryň gazanan netijesi ýaryşyň ýarym final tapgyryna çykmak üçin ýeterlik bolmady.
Herniçik hem bolsa, Tokio—2020 Olimpiýa oýunlary türkmenistanly janköýerler üçin iň üstünlikli boldy. Olar taryhda ilkinji gezek bu arzyly medalyň şatlygyna ýugrulyp gördüler.
Nobatdaky Olimpiýa oýunlary ýene-de üç ýyldan Fransiýanyň paýtagty Pariž şäherinde geçiriler. Belki, Pariž Olimpiadasy hem türkmenistanly türgenlere nobatdaky medallary eçiler. «Ýagşy niýet — ýarym döwlet!». Çünki biziň türgenlerimizde öz janköýerlerini medal bilen begendirmek üçin ähli mümkinçilikler bar. Olar hormatly Prezidentimiz tarapyndan döredilip berilýän şol mümkinçilikleriň çygrynda iň oňat şertlerde türgenleşip, ýokary derejede çykyş edip bilýärler. Goý, ýene şeýle bolsun!
Agageldi ITALMAZOW,
žurnalist.
Halk Maslahatynda Türkmenistanyň ýangyç-energetika toplumyny ösdürmegiň ugurlary kesgitlenildi
23-nji sentýabrda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirilen Türkmenistanyň Halk Maslahatynyň mejlisi giň gerimli özgertmeleriň netijelerini jemledi hem-de ýurdumyzy durmuş-ykdysady we senagat taýdan ösdürmegiň möhüm wezipelerini kesgitledi.
Gahryman Arkadagymyz TOPH gaz geçirijisiniň owgan böleginiň gurluşygyny çaltlandyrmagyň esasyny kesgitledi
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň 10-njy awgustda Owganystana amala aşyran taryhy iş sapary ikitaraplaýyn gatnaşyklary ösdürmekde möhüm waka boldy.
Mary welaýatyndaky känden senagat ähmiýetli gaz akymy alyndy
Berkarar döwletiň täze eýýamynyň Galkynyşy döwrüniň «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylynda türkmen halkynyň Milli Lideri Gahryman Arkadagymyz tarapyndan başy başlanan, häzirki döwürde bolsa hormatly Prezidentimiz Arkadagly Gahryman Serdarymyzyň baştutanlygynda üstünlikli durmuşa geçirilýän döwlet syýasatynyň netijesinde, Garaşsyz, baky Bitarap Türkmenistanyň ähli ugurlarynda, şol sanda ýangyç-energetika toplumynda taryhy özgertmeler amala aşyrylýar.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
