Gazagystanyň ajaýyp şäherleri
Ýurdumyzyň demirgazyk-günbatarynda ýerleşýän Gazagystan Resbuplikasy taryhy ajaýyplyklary, tebigy täsinlikleri, myhmansöýerligi, lezzetli naharlary, milli däp-dessurlary bilen geleni haýrana galdyrýar. Ýurduň terretoriýasynda 48 müň uly-kiçi köl ýerleşip, dünýä jahankeşdeleriniň üns merkezinde orun alýan ülkelerden biri hökmünde tanalýar. Gazagystan Respublikasynyň dillere dessan şäherlerine gaýybana syýahat edeliň!
Ilki bilen ýurduň öňki paýtagt şäheri bolan Almata şäheri bilen tanyşalyň. Dünýä jahankeşdeleriniň bellemegine görä Almata şäheri esasan gyş pasyllary köp syýahatçylary kabul edýär. Şäheriň çäginde ýerleşýän uly “Almata köli” Almatanyň gymmatly hazynalarynyň biri hasaplanýar. Mundan başga hem şäheriň çäginde 16 milliondan köp düýp agajynyň gök öwsüp oturmagy ekologiki taýdan arassalyga we daş-töweregiň owadanlygyň nyşany bolup durýar. Şähere gezelenje giden wagtymyz baryp görmeli esasy ýerleriň hatarynda Merkezi muzeý, Ascension buthanasy, Respublika meýdançasy, Panfilow parky orun alýarlar.
Ýurduň iň uly ikiniji şäheri we häzirki wagtda ülkäniň paýtagty hasaplanýan, ýurduň ilkinji prezidentiniň adyny göterýän Nur-Soltan şäheri köne ady bilen Astana diýlip tanalýan bu şäher taryhy aýratynlygy we döwrebaplygy bilen ünsi özüne çekmegi başarýar. 1998-nji ýylda ýurduň paýtagty diýlip bellenen bu şäheriň çäginde 1 milliondan gowrak adam ýaşaýar. Şäheriň öňki ady Astana gazakçadan terjime edeniňde “Paýtagt” diýmegiň aňladýar. Şäheriň çäginde ýerleşýän “Astana opera” binasy 2013-nji ýylda açylyp dünýäniň iň uly ikinji opera binasy hökmünde tanalýar. Gyş aýlarynda sowklugy bilen bilinýän bu şäher dünýäde iň sowuk bolýan ikinji şäher hasaplanýar. Mundan başgada şäherde binagärlik aýratynlygy bilen üns çekýän “Hezreti Soltan metjidi”, “Nur Astana metjidi”, “Parahatçylyk köşgi”, “Halkara muzeý” ýaly binalar ýerleşýär.
Ýurduň 3-nji uly şäheri Şymkent bolup, onuň köne ady “Çernyaýewdir”. 1924-nji ýylda Şymkent adyna eýe bolan bu şäher Beýik Ýüpek ýolunyň kenarynda ýerleşen taryhy şäherleriň biri hasaplanýar. Şäheriň adyny terjime edenimizde “Şym” – ýerde gögeren otlar, “kent” – şäher merkezi diýmegi aňladýar. Şäheriň çäginde jahankeşdeleri taryhy hem-de döwrebaplygy bilen özüne çekýän merkezler ýerleşendir. Olaryň hatarynda ilki bilen “Al-Faraby mowzeleýi”, Merkezi parky, Ýeňiş parky, Taryhy muzeýi ýer alýar.
Laçyn RAHMANOWA,
Türkmenistanyň Daşary işler minstrliginiň
Halkara gatnaşyklary institutynyň talyby.
Türkmenistanyň «ýaşyl» energiýa diplomatiýasy
Adamzat uzak taryhynyň dowamynda tebigata golaý durup, onuň baýlyklaryna, arassa ekologik gurşawyna örän aýawly çemeleşmäge çalyşýar.
«Ýaşyl» energiýa — geljegiň abadançylygy
«Ýaşyl» energiýany ulanmagyň, ýagny Günden, ýelden we suwdan energiýa almagyň gazylyp alynýan peýdaly baýlyklary (nebit, gaz, kömür we başgalar) energiýa hökmünde peýdalanmakdan esasy tapawutlarynyň biri, bular ulanylanda atmosfera giňişligine metanyň, kömürturşy gazynyň zyňylyp hapalanmagynyň düýbünden diýen ýaly bolmaýanlygydyr.
Aşgabat — Türkmenistanyň Prezidentiniň şähergurluşyk syýasatynyň beýany
Aşgabady ösdürmek we abadanlaşdyrmak meselesi Türkmenistanyň Prezidenti Serdar Berdimuhamedowyň hemişe üns merkezinde durýar, döwlet Baştutanymyz halkymyz baradaky aladany amala aşyrýan syýasatynyň esasy ugry hökmünde kesgitledi.
Ekologiýa abadançylygy — döwrüň baş talaby
Berkarar döwletiň täze eýýamynyň Galkynyşy döwründe daşky gurşawy gorap saklamak, ekologiýa taýdan arassa şertleri üpjün etmek, zyýanly zyňyndylaryň möçberini azaltmak, ozon gatlagyny gorap saklamak, tebigy baýlyklardan rejeli peýdalanmak boýunça alnyp barylýan işler giň gerime eýe bolýar.
Ekologiýa abadançylygyna, «ýaşyl» ykdysadyýete möhüm ähmiýet berilýär
Dünýäde ilatyň sanynyň artmagynyň, önümçilikleriň depgininiň ýokarlanmagynyň netijesinde ykdysadyýetiň ösmegi dowam edýär.
