Gyşda iýmitlenmek üçin peýdaly önümler
22:20 01.12.2021
Howanyň sowuk wagtynda özüňi keselden goramak we ýokary işjeňligi saklamak üçin şu önümleri ýygy-ýygydan iýmek maslahat berilýär.
1. Balyk we süýt
Günden alynýan D witamininiň ýetmezçiliginiň öwezini dolmak üçin balygyň ýagly görnüşleri (gyzylbalyk, tunes, sardina) we süýt önümleri bilen iýmitlenmelidir. Balyk şeýle hem peýdaly omega-3 kislotasyny saklaýar. Süýt we süýt önümleri bolsa aşgazanyň işleýşini gowulandyrýar we özünde köp mukdarda kalsiý saklaýandygy sebäpli adamyň süňk ulgamyny berkidýär.
2. Käşir we ýumurtga
Bu önümlerde beta-karotin bolup, ol gözüň ýagtylygy kabul edýän böleginde bolup geçýän alyş-çalyş prosesine işjeň gatnaşýar. Bu maddanyň ýeterlik derejede kabul edilmegi reňk we gije körlüge haýyrlydyr. Mundan başga-da, beta-karotin organizmiň ýokanç kesellere garşy durnuklylygyny güýçlendirýär.
3. Injir we hoz
Käbir önümleriň adamyň keýpini gowulandyrýandygy mälimdir. Bularyň arasynda banan, şokolad, injir we hoz öňdebaryjylygy eýeleýär. Bu önümler lezzet gormony serotoniniň döremegine öz täsirini ýetirýär.
Taýýarlan Akjemal AGAJUMAÝEWA,
Türkmen döwlet binagärlik - gurluşyk institutynyň talyby.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.
Täze jaýyň gurluşygy — peýdaly maslahatlar
Täze jaýyň gurluşygy her bir adamyň durmuşynda jogapkärli we wajyp aladalaryň biri bolup durýar. Jaý gurluşygy köp wagt, zähmet we serişde talap edýär. Bu işde ýyllaryň dowamynda toplanan peýdaly maslahatlar oňat netijeleri berip bilýär.
