Ýaramaz endikden daşlaşylandan soň...

23:17 01.12.2021

https://ussatnews.com/storage/posts/2400/original-161a7bc39d1e2f.jpeg

Zyýanly endik goýlandan soň bedendäki özgerişler barada «Zreloýe zdorowýe» žurnalyna salgylanyp, «Pulse.mail.ru» habar berýär.

Adam çilim çekmesini goýanyndan 20 minut geçensoň, bedenden nikotin çalt çykyp başlaýar. Takmynan, 1 sagat geçensoň, bedendäki nikotiniň mukdary 50% azalýar. Çilimi soňky gezek çekeniňden 10 sagat geçenden soň, ganyň düzümi nikotinden doly diýen ýaly arassalanýar, 13 sagatdan soň arterial gan basyşy kadalaşýar. Bir gije-gündiz wagtda ýüregiň urşy we güýji gowulanýar. Üç gün geçende birneme derleme hadysalary bolýar, bir hepdede deriniň reňki tebigy durkuna gelýär we organizmdäki täzeleniş duýulýar. Bu täzeleniş 1 aýdan has gowy duýulýar, ýagny adamyň bütin durky özgerýär, nemli üsgülewük ýitýär, umumy immunitet ýokarlanýar. Alty aý geçeninden soň, içki beden agzalary saz işläp başlaýar. Çilim çekilmeginiň goýlanyna bir ýyl geçende organizm doly dikelip, tebigy ýagdaýyna gelýär. Statistikanyň maglumatlary boýunça bäş ýylyň geçmegi bilen täze döremeleriň, şol sanda howply täze döremeleriň ähtimallygy iki esse azalýar.

Taýýarlan Yhlas ORAZLYÝEW,

Türkmen döwlet binagärlik - gurluşyk institutynyň talyby.

Başga makalalar
165e747935707c.jpeg
Çaganyň aň-akyl ösüşi üçin peýdaly önümler

Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.


165b91eda2f571.jpeg
Beýiniň peýdasy

Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.


1658d4df34d0ed.jpeg
Nohudyň peýdasy

Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.

1658bce4e243ca.jpeg
Greýpfrut — peýdaly miwe

Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.


16586e84d1b85d.jpeg
Täze jaýyň gurluşygy — peýdaly maslahatlar

Täze jaýyň gurluşygy her bir adamyň durmuşynda jogapkärli we wajyp aladalaryň biri bolup durýar. Jaý gurluşygy köp wagt, zähmet we serişde talap edýär. Bu işde ýyllaryň dowamynda toplanan peýdaly maslahatlar oňat netijeleri berip bilýär.