Mesge ýagyny iýmit düzümine salmak üçin 3 sebäp
Saglyk üçin peýdaly önümler barada aýdylanda, olaryň arasynda mesgäniň ähmiýeti has uludyr. Berhiz lukmanlarynyň maslahat bermegine görä, mesge ýagy biziň iýmit düzümimizde hemişe bolmalydyr.
1. Süýt ýagy biziň organizmimizi ýag erediji A, E, D witaminler bilen üpjün edýär. Bu witaminler bolsa adamyň owadanlygyny, ýaşlygyny goraýar we kesele garşy göreşijilik ukybyny güýçlendirýär.
2. Mesge ýagy energiýanyň çeşmesidir. Ol beýnä kuwwat beriji güýç çeşmesi hasaplanylýar, şol sebäpli-de gartaşan adamlara has-da peýdalydyr. Gündelik sarp edilýän energiýanyň mydama üsti doldurylyp durulmaly. Onuň üçin mesge ýagy tapylgysyz iýmit serişdesi bolup durýar.
3. Bütindünýä Saglygy Goraýyş Guramasynyň maslahat bermegine görä, günde 25 g doýgun ýag (süýt ýagy) adamyň iýmit düzüminde hökman bolmalydyr.
Taýýarlan: Agabek ALIJANOW,
Türkmen döwlet binagärlik-gurluşyk institutynyň talyby.
Aýdym-saz täsin güýçdür
Çaganyň şahsyýet bolup kemala gelmeginde, dünýägaraýşynyň baýlaşmagynda we içki dünýäsiniň sazlaşykly ösmeginde aýdym-saz terbiýesiniň orny örän uludyr. Saz çaganyň kalbyna, aň-düşünjesine we emosional ýagdaýyna gös-göni täsir edýän, ony gözelliklere ugrukdyrýan täsirli guraldyr. Kiçi ýaşly çagalar daşky gurşawy has ir we duýgur kabul edýärler, şonuň üçin hem çagalar bagynda berilýän ilkinji aýdym-saz sapaklary olaryň geljekki durmuşynyň manyly bolmagynda möhüm binýat bolup hyzmat edýär.
Çepbekeýler adaty bolmadyk çemeleşmeleri tapýarlar
Donald Kostello işewürlik kollejiniň amerikan alymlary tarapyndan geçirilen täze gözleg çep eliň hünär kämillikde we baýlyga ýetmekde möhüm esas bolup biljekdigini görkezýär.
Bagbançylygyň ähmiýeti
Gözlegleriň netijesi bagbançylygyň adam beýnisine we bedenine oňyn täsir edýändigini görkezdi.
Aýdym aýtmak – saglygyňy berkitmek
Gadymyýetden bäri adamlar öz sesiniň güýji bilen saglygyny dikeldip bilipdirler. Aristotel we Pifagor akyl taýdan bozulmalary bejermekde aýdym aýtmagy maslahat beripdirler.
Çopantelpegiň adam saglygyna ýetirýän peýdaly täsirleri
Gadymy döwürlerden bäri halk lukmançylygynda şypaly ösümlik hökmünde giňden ulanylýan, dünýä ýurtlarynyň köpüsinde duş gelýän çopantelpek saglygymyz üçin örän peýdalydyr.
