Badamjan
08:14 11.12.2021
Badamjan — itüzümler maşgalasyna degişli bolup, esasan, birýyllyk otjumak ösümlikdir.
Onuň miweliginiň düwünçegi üç hanaly. Gülleriniň reňki ak, gök, melewşe, dürli öwüşginli bolýar. Miweleri iri (0,5 kg çenli), goýy garamtyl melewşe reňkli, doly bişenden soň açyk sary, ýaşylymtyl reňke geçýär. Miweleriniň şekili we reňki sortuna, görnüşine baglylykda dürli bolup bilýär.
Badamjanda glýukozasy köp bolan şeker hem-de mineral maddalardan kalsiý, fosfor we demir bardyr. Ol gaýtadan işlenen görnüşinde önümçilikde giňden ulanylýar. Ondan taýýarlanylan önümler ýeňillik bilen siňýär. Onuň miweleri duzlanyp, sirkä ýatyrylyp, işdäaçar hökmünde giňden ulanylýar. Dürli görnüşli işdäaçarlar we tagamlar adam organizminde gan aýlanyşynyň, gan basyşynyň kadaly bolmagyna hem ýardam edýär.
Taýýarlan Allaberdi ATAÝEW,
Türkmen döwlet binagärlik - gurluşyk institutynyň talyby.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.
Täze jaýyň gurluşygy — peýdaly maslahatlar
Täze jaýyň gurluşygy her bir adamyň durmuşynda jogapkärli we wajyp aladalaryň biri bolup durýar. Jaý gurluşygy köp wagt, zähmet we serişde talap edýär. Bu işde ýyllaryň dowamynda toplanan peýdaly maslahatlar oňat netijeleri berip bilýär.