Täze ýylyň şatlygy
00:48 24.12.2021
Her bir öýe, her bir töre bagt paýlap, eşretli günleri alyp gelen Täze ýyl Diýarymyzy täze öwüşgine besledi. Merjen şäherimiz Aşgabadyň edara-kärhanalarynyň, seýilgähleriniň, medeni-dynç alyş merkezleriniň, ýokary we orta okuw mekdepleriniň ýaşyl donly arçalarynyň dürli öwüşginleri Diýara görk berýär. Adam kalbyny heýjana salýan Täze ýyl üçin häzirki günlerde ak bazarlarda, söwda merkezlerinde Täze ýyl arçalarynyň dürli görnüşlerine bolan halkyň islegi juda ýokary. Gün nuruna şöhle saçýan şarjagazlaryň, dürli haýwanjyklaryň, bezeg garjagazlarynyň toplumy her ynsany özüne bendi edip, Täze ýyl agşamyna almaga howlukdyrýar. Şöhrat-şana beslenen merjen şäher Aşgabadymyz bu gün bezemen arçalarynyň elwan öwüşginleri bilen dünýä ýalkym saçýar.
Täze 2022-nji ýylyň ähli watandaşlarymyzyň ýürek arzuwy, teklibi bilen «Halkyň Arkadagly zamanasy» diýlip atlandyrylmagy biz talyp ýaşlary juda begendirýär.
Jennet ESENOWA,
Magtymguly adyndaky Türkmen döwlet uniwersitetinyň talyby.
Türkmenistanyň Prezidenti Serdar Berdimuhamedow: «Ylym, bilim we halkara hyzmatdaşlyk ýurduň ähli pudaklarynyň ösüşine itergi bermelidir»
Nebitgaz senagaty üçin ýokary hünär derejeli işgärleri taýýarlamak esasy wezipeleriň biri bolup, geljekde Türkmenistanyň milli ykdysadyýetiniň ösüşi şol wezipäniň çözgüdine baglydyr.
Bagtyýarlyk döwrüniň teatr sungaty
Berkarar döwletiň täze eýýamynyň Galkynyşy döwründe ýurdumyzyň medeniýet ulgamyny kämilleşdirmek Arkadagly Gahryman Serdarymyzyň durmuş ugurly syýasatlarynyň ileri tutulýan ugurlarynyň biridir.
Eserleri — ruhy hazyna
Magtymguly Pyragy türkmeniň ruhy sütünleriniň biridir. Akyldaryň döwredijiligi halkymyzyň durmuşynda we terbiýe mekdebinde mynasyp orun eýeleýär.
Gaz akdyryjylaryň rowaçly gadamlary
«Türkmengaz» döwlet konserniniň «Türkmengazakdyryş» birleşiginiň «Daşoguzgazakdyryş» müdirliginiň gazçylary «Döwletabat — Derýalyk» ugry boýunça türkmen gazynyň dünýä bazaryna çykarylmagy ugrunda hem-de ýurdumyzyň demirgazyk welaýatynyň ilatynyň gymmatly «mawy ýangyç» bilen ýokary derejede üpjün edilmegi babatda nusgalyk işleri alyp barýarlar.
Türkmenistanda habar beriş serişdeleriniň sanlylaşdyrylmagy täze mümkinçilikleri açýar
Ählumumy sanlylaşdyrma we internet asyry täze habar beriş serişdeleriniň döremegi üçin mümkinçilikleri açmak bilen çäklenmän, eýsem, sanly ulgamdan peýdalanýan okyjylaryň täze neslini kemala getirdi. Olar üçin maglumatlaryň esasy çeşmesi bolup metbugat sahypasy däl-de, kompýuteriň, planşetiň ýa-da smartfonyň multimedia ekrany hyzmat edýär.