Ýatkeşligi ösdürmegiň usullary
16:55 24.11.2020
Islendik adam ömrüniň dowamynda özüni hemmetaraplaýyn kämilleşdirmäge çalyşýar. Biz hem çaganyň irki ösüşlerinde, şeýle hem islendik adama zerur bolan ýatkeşligi berkitmekde ähmiýetli bolan maslahatlary size ýetirmegi makul bildik.
1. Çaga otaga birlaý göz aýlandan soň, oňa gözlerini ýummagy teklip etmeli. Soňra çaga otagyň içindäki zatlary ýatdan aýtdyrmaly. Haçanda ol gözlerini açanda, ady agzalan zatlary dogry aýdandygyna ýa-da aýtmandygyna göz ýetirer.
2. Stoluň üstünde kükürt çöplerinden haýsy-da bolsa bir şekili ýasamaly. Çaga şol wagt şekile ünsli seretmeli we ýadynda saklamaly. Soňra ol gözüni ýummaly, siz bolsa şol wagt şekili üýtgetmeli. Şonda çaga şekiliň ilki başdaky we soňky görnüşiniň tapawudyny bilmeli.
3. Çaga kitapdan tekstiň bir bölegini okap beriň. Birinji gezek teksti doly okaň. Ikinji gezek bolsa her sözlemden 1-2 söz goýberip okaň. Soňra çaga siziň goýberen sözleriňizi ýadyna salyp, okap beren tekstiňizi birinji gezekki ýaly aýdyp bermeli.
4. Çaga aşakdaky ýazylan sözlere ünsli seretmeli, ýatda saklajak bolmaly. Soňra başga kagyzyň ýüzüne şol sözleri ýatdan ýazmaly.
Töňňe. Stol. Tomus. Tokaý. Öý. Meýdan. Gyş. Eje. Kitap.
5. Kagyzyň ýüzüne bir surat çekiň. Çaga şol suraty görkeziň. Soňra ol başga bir kagyza şol suraty ýatdan çekmeli. Çaganyň çeken suraty bilen öz çeken suratyňyzyň tapawudyny bilersiňiz.
6. Çagaňyzyň dil baýlygyny ösdürmek üçin şu usuly ulanyp bilersiňiz. Munuň üçin 10 sany sözi saýlap almaly. Çaga her bir söze manydaş-sinonim sözi aýtmagy başarmaly. Bu bolsa onuň diňe bir söz gorunyň giňemegine däl-de, eýsem, pikirleniş ukybynyň ösmegine hem ýardam edýär.
Şunuň ýaly usullary diňe bir söz ýa-da predmetler arkaly däl-de, eýsem, arifmetik usulda hem peýdalanyp bolar.
Selbi HOJAÝEWA,
USSAT NEWS.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.
Täze jaýyň gurluşygy — peýdaly maslahatlar
Täze jaýyň gurluşygy her bir adamyň durmuşynda jogapkärli we wajyp aladalaryň biri bolup durýar. Jaý gurluşygy köp wagt, zähmet we serişde talap edýär. Bu işde ýyllaryň dowamynda toplanan peýdaly maslahatlar oňat netijeleri berip bilýär.
