Hurma — Remezan miwesi
Hurma Oraza saçaklarynyň aýratyn bezegidir. Onuň Bagdat hurmasy, Medine hurmasy, Eýran hurmasy, Asýa hurmasy, Kudus hurmasy, Tunus hurmasy, Sukkary hurmasy, Sugaý hurmasy, Berni hurmasy, Şelebi hurmasy, Jennet — Trabzon hurmasy ýaly görnüşleri bar. Agyz beklenende hurma iýmek bedeni açlykdan, suwsuzlykdan gorap, ýeterlik derejede kuwwat berýär. Bu miwäniň düzüminde gurplandyryjy ýokumlar agdyklyk edýär.
Hurma ýürek we aşgazan keselleri üçin peýdalydyr. Orazada hurma iýilmegi-de munuň aýdyň beýany bolup durýar. Ol beloklara we uglewodlara baý bolup, gündelik iýmitimizde möhüm orny eýeleýär. Şeýle-de, bu miwe ýokumly maddalary, witaminleri özünde jemleýän antioksidant çeşmesi hasaplanýar. Onuň düzümindäki ftorid, ftor ýaly elementler dişiň çüýremeginiň öňüni alýar we immunitet ulgamyny güýçlendirýär.
Hurma damar dykylmada, ýürek kesellerinde, aň-huş näsaglyklarynda aýratyn ähmiýete eýedir. Ol ýüregiň sagdyn işlemegine goşant goşup, şol bir wagtda ýady güýçlendirýär.
Keremberdi MÄMMEDOW,
Türkmen döwlet binagärlik-gurluşyk institutynyň talyby.
Çopantelpegiň adam saglygyna ýetirýän peýdaly täsirleri
Gadymy döwürlerden bäri halk lukmançylygynda şypaly ösümlik hökmünde giňden ulanylýan, dünýä ýurtlarynyň köpüsinde duş gelýän çopantelpek saglygymyz üçin örän peýdalydyr.
«Bejeriş binagärligi» hassalaryň ünsüni gussaly duýgulardan sowup, olarda ruhubelentlik döredýär
Ösümlikleriň, arassa howanyň, janly-jandarlaryň bejeriş ukyplary barada bilýän hem bolsak, binagärligiň şypa berijilik häsiýeti barada seýrek eşidilýär.
Gülli kelemiň peýdasy
Gülli kelemiň (brokkoli kelemi) watany gündogar Ortaýer deňzi sebiti hasaplanýar. Ol 2 ýyllyk ösümlik bolup, ýabany kelemden gelip çykýar. Häzirki wagtda hytaý, hindi, italýan, türk, fransuz, ispan we dünýäniň başga-da ýurtlarynyň aşhanalarynda giňden ulanylýar.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
