Amatly bahasy bilen tapawutlanýan “Redmi K30S”
“Xiaomi” kompaniýasy amatly bahasy bilen tapawutlanýan “Redmi” telefonlarynyň nobatdaky modeli bilen tanyşdyrdy – “Redmi K30S”. Täze smartonyň 64, 13 we 5 megapiksellik üç sany arka kamerasy bar; öňki kamerasy bolsa 20 megapiksele deňdir. Bu telefonyň kamerasy 8K wideo çekmäge ukyplydyr. “Xiaomi Mi 10T”-niň gaýtadan dizaýn edilen görnüşi bolan “Redmi K30S”-e 6,67 dýuýmlyk ekran ýerleşdirilip, kümüş we gara reňklerinde öndürilipdir.
“Qualcomm” kompaniýasynyň “Snapdragon 865” mikroprosessoryny ulanýan K30S-iň RAM göwrümi 8 gigabaýta deňdir. Bu telefonyň iki görnüşi bolup, olaryň ilkinjisiniň içki ýady 128 gigabaýta, ikinjisiniňki 256 gigabaýta deňdir.
“Redmi K30S”-niň batareýasynyň kuwwatlygy 5 000 mAh bolmak bilen, 33 woltlyk çalt zarýad alýan tehnologiýa bilen üpjün edilipdir. Telefonyň barmak yzyny okaýan sensory gapdalyndaky panele ýerleşdirilipdir.
5G aragatnaşyk ulgamy hem bar bolan “Redmi K30S” 11-nji noýabrda satuwa çykarylar. Telefonyň 128 gigabaýtlyk görnüşi 387 dollardan, 256 gigabaýtlyk görnüşi 420 dollardan satylar.
2013-nji ýylyň iýul aýynda esaslandyrylan “Redmi” brendi ilkinji smartfonyny, ýagny “Redmi 1”-i 2013-nji ýylda çykardy.
Hojamuhammet IBRAGIMOW,
Türkmen döwlet binagärlik-gurluşyk institutynyň talyby.
Garaşsyz, baky bitarap Türkmenistan — bagtyýarlygyň we rowaçlygyň ýurdy
Hoşniýetlilik hemişe adamyň özünden, onuň oý-pikirlerinden, edim-gylymlaryndan we röwşen geljege bolan ynamyndan gözbaş alýar. Adamlaryň döredijilige ymtylýan ýerinde, parahatçylyga, zähmete we özara hormata gadyr goýýan ýerinde belent maksatlar rowaçlanýar.
Derweze krateri babatda türkmen alymlarynyň toplan tejribesi
Gündogar we Merkezi Türkmenistanyň gaz ýataklaryny özleşdirmek babatda taslama we ylmy işleri amala aşyrmak «Türkmengaz» döwlet konserniniň Ylmy-barlag tebigy gaz institutynyň işiniň esasy ugurlarynyň biri bolup durýar.
Türkmenistanyň «ýaşyl» energiýa diplomatiýasy
Adamzat uzak taryhynyň dowamynda tebigata golaý durup, onuň baýlyklaryna, arassa ekologik gurşawyna örän aýawly çemeleşmäge çalyşýar.
«Ýaşyl» energiýa — geljegiň abadançylygy
«Ýaşyl» energiýany ulanmagyň, ýagny Günden, ýelden we suwdan energiýa almagyň gazylyp alynýan peýdaly baýlyklary (nebit, gaz, kömür we başgalar) energiýa hökmünde peýdalanmakdan esasy tapawutlarynyň biri, bular ulanylanda atmosfera giňişligine metanyň, kömürturşy gazynyň zyňylyp hapalanmagynyň düýbünden diýen ýaly bolmaýanlygydyr.
Aşgabat — Türkmenistanyň Prezidentiniň şähergurluşyk syýasatynyň beýany
Aşgabady ösdürmek we abadanlaşdyrmak meselesi Türkmenistanyň Prezidenti Serdar Berdimuhamedowyň hemişe üns merkezinde durýar, döwlet Baştutanymyz halkymyz baradaky aladany amala aşyrýan syýasatynyň esasy ugry hökmünde kesgitledi.
