Ýurdumyzyň paýtagtyny ösdürmek babatda alnyp barylýan işler
Hormatly Prezidentimiziň tagallasy bilen, ýurdumyzyň paýtagtyny ösdürmek babatda alnyp barylýan işler aýdyň netijelerini berýär. Muňa paýtagtymyzda tapgyrlaýyn gurlup ulanylmaga berilýän durmuş maksatly binalar, desgalar aýdyň şaýatlyk edýär. Bu kada laýyklykda raýatlarymyzyň ýaşaýyş eşretlerinden peýdalanmak mümkinçiliklerini aýratyn bellemäge mynasypdyr.
Paýtagtymyzyň demirgazyk künjeginde täze Aşgabat-siti ýaşaýyş toplumy bina ediljek. Gurbansoltan eje şaýolunyň ugrunda bolsa Türkmen döwlet binagärlik-gurluşyk institutynyň binasy gurular. Bu taslama işlerine Türkmen döwlet binagärlik-gurluşyk institutynyň talyplary öz goşantlaryny goşýandyklary buýsançly ýagdaýdyr.
Institutymyzyň talyplary tarapyndan şular ýaly jogapkärli taslama işleri ýerine ýetirmekleri, talyp ýaşlaryň tejribe işleri bilen yzygiderli meşgullanmaklary babatda döredilýän oňaýly şertleriň netijesidir diýip aýtmak bolar.
Talyp ýaşlaryň institutda döredilen gurnaklara işjeň gatnaşmaklary, talyplaryň ýylyň-ýylyna ylmy-taslama bäsleşiklerinde öz güýçlerini synap görmekleri, ýurdumyzyň çäklerinde alnyp barylýan gurluşyk işleriniň üstüne baryp, ýerinde tejribelerini kämilleşdirmekleri olaryň döwlet ähmiýetli gurluşyk-taslama işlerinde öz ýüzlerini görkezip bilmeklerine oňyn şertleri döretdi.
Baýram ADINOW,
Türkmen döwlet binagärlik-gurluşyk nstitutynyň talyby.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
