Dünýäde belent binalaryň 100-den köpüsini özünde jemleýän şäherler ýüze çykaryldy
Fiziki belentlikler ynsan ruhunyň belentligini beýan etmegiň özboluşly usulydyr. Häzirki döwürde dünýäniň ösen ýurtlaryna, şäherlerine barsaň, başlaryny göge ulaşdyryp duran belent binalarda, desgalarda gözüň uzak wagtlap egleýär. Olaryň çürbaşyna seretjek bolsaň, aýdylyşy ýaly, başyňdaky tahýaň ýere gaçýar.
Hasaplamalar dünýäde beýikligi 150 metrden ýokary bolan şol belent binalaryň 100-den köpüsini özünde jemleýän şäherleriň arasynda iň öňdäkilerini ýüze çykardylar. Olardan iň öňdäki orunda şeýle belent binalaryň 284-sini özünde jemleýän ABŞ-nyň Nýu-Ýork şäheri durýar. Bu sanawy özünde şeýle binalaryň 199-syny jemleýän BAE-niň Dubaý şäheri, belent binalaryň 126-syna eýe bolan ABŞ-nyň Çikago şäheri we şeýle binalaryň 163-sini edinen Hytaýyň Şanhaý şäheri dowam etdirýärler.
Agzalyp geçilenleriň arasynda BAE-niň Dubaý şäherinde häzirki wagtda dünýäniň iň belent binasy bolan, beýikligi 828 metre deň bolan, 163 gat bina Burj-Halifa binasynyň ýerleşýändigini hem ýatlap geçmek bolar. Ýene-de bir aýratynlygy agzap geçmek bolar. Belent binalar olary gurýan döwletleriň, şäherleriň ykdysady taýdan abadan ýaşaýandygynyň, ösýändiginiň hem buşlukçylarydyr.
Yslam TYLLANUROW,
Türkmen döwlet binagärlik-gurluşyk institutynyň uly mugallymy.
Aşgabat — Türkmenistanyň Prezidentiniň şähergurluşyk syýasatynyň beýany
Aşgabady ösdürmek we abadanlaşdyrmak meselesi Türkmenistanyň Prezidenti Serdar Berdimuhamedowyň hemişe üns merkezinde durýar, döwlet Baştutanymyz halkymyz baradaky aladany amala aşyrýan syýasatynyň esasy ugry hökmünde kesgitledi.
Ekologiýa abadançylygy — döwrüň baş talaby
Berkarar döwletiň täze eýýamynyň Galkynyşy döwründe daşky gurşawy gorap saklamak, ekologiýa taýdan arassa şertleri üpjün etmek, zyýanly zyňyndylaryň möçberini azaltmak, ozon gatlagyny gorap saklamak, tebigy baýlyklardan rejeli peýdalanmak boýunça alnyp barylýan işler giň gerime eýe bolýar.
Ekologiýa abadançylygyna, «ýaşyl» ykdysadyýete möhüm ähmiýet berilýär
Dünýäde ilatyň sanynyň artmagynyň, önümçilikleriň depgininiň ýokarlanmagynyň netijesinde ykdysadyýetiň ösmegi dowam edýär.
Ýagty geljegiň energiýa çeşmesi
Häzirki zaman ylmynyň we tehnologiýanyň çalt ösýän döwründe adamzadyň öňünde ekologiýa bilen baglanyşykly möhüm meseleler ýüze çykýar. Howanyň ýylylygy, hapalanmagy, tebigy serişdeleriň çäkliligi ýaly meseleler dünýä jemgyýetçiligini täze energiýa çeşmelerini gözlemäge mejbur edýär.
Innowasiýa arkaly durnukly geljege barýan ýol
«Gaýtadan dikeldilýän energiýa çeşmeleri» ylmy-önümçilik merkezinde «Gün, ýel gorlarynyň potensialyny kesgitlemek boýunça bitewi maglumatlar» merkezi döredilip, onuň esasynda «Gaýtadan dikeldilýän energiýa çeşmeleriniň internet portaly» işlenip taýýarlanyldy we häzirki wagtda onuň maglumatlar gory baýlaşdyrylýar.
