Petruşkaň peýdasy
Petruşkadaky süýüm iýmit siňdiriş ulgamynyň hereketini ýokarlandyrýar. Süňkleri berkitmek, gözüň saglygyny goramak we keselleriň öňüni almak üçin bu önümiň peýdasy uludyr.
Petruşka, esasan, K witaminine baý bolup, ol süňkleri berkitmäge, onuň mineral dykyzlygyny ýokarlandyrmaga kömek edýär. Onda süňkleriň berk bolmagyna ýardam edýän kalsiý, ergosterol we C witamini bar.
Bu ösümligiň düzümindäki üç karotinoid — lýutein, beta-karotin we zeaksantin — gözüň görejini we sagdynlygyny saklamaga kömek edýär.
Onda flawonoidleriň bolmagy ýürek-damar ulgamynyň güýçlenmegini üpjün edýär. Petruşkadaky peýdaly maddalar gan basyşyny we holesteriniň derejesini peseldýär, gan damarlarynyň diwarlaryny berkidýär.
Şeýle hem petruşkanyň antibakterial häsiýetleri bar. Ol peşewiň kadaly çykmagyna, kalsiniň bölünip çykmagyny azaltmaga we böwrek daşlaryny owratmaga ýardam edýär.
Gipertoniýa, gipotireoz, göwreliligiň başlangyç döwürlerinde, bagyr, böwrek keselleriniň dermanlary kabul edilende bu ösümligi az mukdarda iýmek maslahat berilýär.
Taýýarlan Nury ORAZOW,
Türkmen döwlet binagärlik - gurluşyk institutynyň talyby.
Çopantelpegiň adam saglygyna ýetirýän peýdaly täsirleri
Gadymy döwürlerden bäri halk lukmançylygynda şypaly ösümlik hökmünde giňden ulanylýan, dünýä ýurtlarynyň köpüsinde duş gelýän çopantelpek saglygymyz üçin örän peýdalydyr.
«Bejeriş binagärligi» hassalaryň ünsüni gussaly duýgulardan sowup, olarda ruhubelentlik döredýär
Ösümlikleriň, arassa howanyň, janly-jandarlaryň bejeriş ukyplary barada bilýän hem bolsak, binagärligiň şypa berijilik häsiýeti barada seýrek eşidilýär.
Gülli kelemiň peýdasy
Gülli kelemiň (brokkoli kelemi) watany gündogar Ortaýer deňzi sebiti hasaplanýar. Ol 2 ýyllyk ösümlik bolup, ýabany kelemden gelip çykýar. Häzirki wagtda hytaý, hindi, italýan, türk, fransuz, ispan we dünýäniň başga-da ýurtlarynyň aşhanalarynda giňden ulanylýar.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
