Medeni mirasyň milli baýlygy
Ýurdumyzda her ýylyň maý aýynyň soňky ýekşenbesinde Türkmen halysynyň baýramynyň giň gerimde döwlet derejesinde bellenilmegi çeper elli halyçylarymyza, olaryň asylly zähmetine goýulýan hormatdyr.
Ussat türkmen halyçylary köp asyrlaryň dowamynda özboluşly milli hünäriň aýratynlyklaryny gorap saklapdyrlar. Türkmen halylary beýleki halklaryň el işlerinden, dokmaçylygyndan tapawutlanýar. Onda halkymyzyň däp-dessury, geçmiş taryhy, ajaýyp şu güni janlandyrylýar. Şeýle tapawudy göllerde, çitimde, dokalyş usulynda, reňk we ýüplük taýýarlamakdaky işlerinde, mahlasy, sähetli gün ýüwürdilip, sähetli gün kesime çenli ähli işlerinde duýmak bolýar. Haly diňe medeni miras, milli gymmatlyk bolmak bilen çäklenmeýär. Halyçylyk sungat derejesine ýetirilen gözel hünärdir hem köp inçe zähmeti talap edýän işdir. Has takygy, edep-terbiýe we zähmet mekdebidir. Milli ýörelgelerden ugur alynýanlygy üçin bu hünär adamda asyllylygy, halallygy, çalasynlygy, sabyr-kanagatlylygy, eden işiňi dürs we takyk ýerine ýetirmegi terbiýeleýär. Halyçylar döredijilige, sungata duýgur bolýarlar. Sebäbi olaryň ýeňil bolmadyk işi sungatdan üzňe däldir. Häzirki döwürde düşekleriň görnüşi örän köp. Oňa garamazdan, türkmen el halylaryna bolan isleg barha artýar.
Bu senetçiligiň Adamzadyň maddy däl medeni mirasynyň sanawyna girizilendigi örän guwandyryjydyr. 2019-njy ýylyň 12-nji dekabrynda ÝUNESKO-nyň Maddy däl medeni mirasy goramak boýunça Hökümetara komitetiniň nobatdaky 14-nji mejlisiniň dowamynda «Türkmenistanyň milli halyçylyk sungatyny» Adamzadyň maddy däl medeni mirasynyň sanawyna girizmek baradaky karar biragyzdan kabul edildi.
Gandym ÇETIÝEW,
Türkmen döwlet binagärlik-gurluşyk institutynyň uly mugallymy.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
