Gyşda awtoulaglaryň aýnalarynyň doňmagynyň öňüni almagyň alty usuly
Sowukda awtoulaglaryň aýnalarynda, köplenç, buz emele gelýär. Munuň özi sürüjiniň görüş ukybyny peseldýär we ýol hereketiniň howpsuzlygyna gönüden-göni ýaramaz täsir edýär.
Nädip awtoulagyň içinde çyglylygy peseltmeli we şonuň bilen birlikde aýnanyň bugaryp, soňra bolsa doňmagynyň öňüni almaly?
1.Gyş döwründe hereket edýän awtoulagyň içinde elmydama howa çalşygy, mümkin boldugyça, gyzgyn howa çalşygy bolmaly. Üflenilýän howany öň tarapyndaky we iki gapdaldaky aýnalara ugrukdyrmaly.
2. Gyşda rezin düşegiň ornuna, dokma düşek bolsa has amatly. Dokma düşekler çygy özüne çekýär. Şol bir wagtyň özünde rezin düşekler çyglylygy aýagyň aşagyna ýygnaýar. Şonuň netijesinde hem awtoulagda çyglylygy ýokarlandyrýar.
3. Awtoulagyň aýnasy diňe bir hereket edýän wagty doňmaýar. Duralgada sowuk gijeden soň irden bu aladalardan dynmak hem-de arkaýyn ýola düşmek köp wagty talap edýär. Awtoulagyň hereketlendirijisini herekete getireniňizden soň, onuň içini gyzdyrmaga mümkinçilik beriň. Aýnanyň ýüzündäki gary ýa-da doňy aýryň.
4.Awtoduralga gelip ýetmezden 5-10 minut öň awtoulagyň içiniň gyzdyryjysyny öçüriň we aýnasyny açyň.
5. Awtoulagy ýerleşdirenden soň, ulagyň gapylaryny bir-iki minut açyň. Munuň özi awtoulagyň içiniň we daşynyň gyzgynlyk derejesini deňleşdirýär.
6. Hatda köne halk usulyny peýdalanmak hem bolar. Mata süpürijä duz sepmeli we aýnany iç tarapyndan süpürmeli. Şondan soň aýnanyň doňmaklygy köp derejede peseler.
Çopantelpegiň adam saglygyna ýetirýän peýdaly täsirleri
Gadymy döwürlerden bäri halk lukmançylygynda şypaly ösümlik hökmünde giňden ulanylýan, dünýä ýurtlarynyň köpüsinde duş gelýän çopantelpek saglygymyz üçin örän peýdalydyr.
«Bejeriş binagärligi» hassalaryň ünsüni gussaly duýgulardan sowup, olarda ruhubelentlik döredýär
Ösümlikleriň, arassa howanyň, janly-jandarlaryň bejeriş ukyplary barada bilýän hem bolsak, binagärligiň şypa berijilik häsiýeti barada seýrek eşidilýär.
Gülli kelemiň peýdasy
Gülli kelemiň (brokkoli kelemi) watany gündogar Ortaýer deňzi sebiti hasaplanýar. Ol 2 ýyllyk ösümlik bolup, ýabany kelemden gelip çykýar. Häzirki wagtda hytaý, hindi, italýan, türk, fransuz, ispan we dünýäniň başga-da ýurtlarynyň aşhanalarynda giňden ulanylýar.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
