Bedene eti – peýdaly önüm
14:35 12.12.2022
Bedene eti ýeňil özleşdirilýän berhizlik önümlere degişlidir. Onuň düzüminde süňkler we myşsalar üçin peýdaly bolan beloklar köp mukdarda saklanýar. Bu bolsa sport bilen meşgullanýan adamlara, şeýle hem ösüp barýan çagalara peýdalydyr. Bedene etinde süňk we myşsa derisininiň ýagdaýyny gowulandyrýan kaliý, fosfor, mineral düzümleri, iýmit siňdiriş, nerw ulgamlarynyň işine oňaýly täsir edýän B witamin toparlary bar.
Lukmanlar ýürek-damar, hereket-daýanç ulgamynda, süňklerinde näsazlyk bolan adamlara bedene etini yzygiderli iýmegi maslahat berýär. Şeýle-de, bu önüm bagyr we öýken näsazlyklarynda örän peýdalydyr. Onuň düzümindäki demir ganyň ýagdaýyny gowulandyrýar we öndürijiligini işjeňleşdirýär, PP witamini süňk dokumalaryna oňaýly täsir edýär. Lukmanlar bedene etini süýji keseli bolan adamlara hem iýmegi maslahat berýärler.
Bedene etinde witaminlerden A, D, K we B topary (B1, B2, B3, B5, B6, B12), makro we mikro elementlerden kaliý, magniý, sink, demir, kalsiý, natriý, marganes we beýlekiler, aminokislotalardan alanin, leýsin, metionin, izoleýsin, sistin, tirozin, glisin, walin, arginin, lizin bar. Düzüminiň peýdaly elementlere baý bolmagy bedene etini has-da öňe çykarýar. Onuň diňe bir eti däl, eýsem ýumurtgasy hem saglygyňy dikeltmekde gymmatly önüm hasaplanýar.
Bedene etiniň 100 gramynda 21,8 gr belok, 14-17 gr ýaglar, 0,4 gr uglewodlar saklanýar. Şeýle-de, ony berhiz saklaýan adamlaryň iýmegi-de mümkindir. Önüm ýürek-damar ulgamynyň işini gowulandyrýar we keselleriň döremeginiň öňüni alýar, holesteriniň derejesini peseldýär, nerw ulgamyny güýçlendirýär we daşky täsir edijilere garşy göreşmekde ähmiýetli bolup durýar.
Şaguly HOJAGULYÝEW,
Türkmen döwlet binagärlik-gurluşyk institutynyň talyby.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.
Täze jaýyň gurluşygy — peýdaly maslahatlar
Täze jaýyň gurluşygy her bir adamyň durmuşynda jogapkärli we wajyp aladalaryň biri bolup durýar. Jaý gurluşygy köp wagt, zähmet we serişde talap edýär. Bu işde ýyllaryň dowamynda toplanan peýdaly maslahatlar oňat netijeleri berip bilýär.
