Gyzyl kelem – derdiňe melhem
14:53 12.12.2022
Hünärmenler gyzyl kelemi hökman iýmitlik rejäňe goşmagy maslahat berýärler. Bu önümiň peýdasy ikuçsyz bolsa-da, ony köp mukdarda yzygiderli kabul etmek bolmaýar. Ol witaminlere we mikroelementlere baý bolup, ýaşululara, çagalara hem-de geljekki enelere maslahat berilýär. Onuň düzüminde peýdaly elementlerden retinol, askorbin kislotasy, witaminleriň topary, demir, magniý, sink, ýod, kalsiý, kaliý, marganes, fosfor we beýlekiler bar.
Önüm mikroblara garşy göreşmekde, bedenden artykmaç suwuklyklary çykarmakda ähmiýetlidir. Şeýle-de, ol immun ulgamyny kuwwatlandyrýan güýçli antioksidant hasaplanýar. Şonuň ýaly-da, gyzyl kelem sowuklamany, üsgülewigi ýeňmekde peýdalydyr. Önüm gan basyşyny sazlaýar, dokumalary berkidýär, zyýanly holesterinleriň, gandaky şekeriň mukdaryny azaldýar. Şonuň üçin hem gyzyl kelemi süýji keselinde kabul etmek maslahat berilýär.
Gyzyl kelemiň şiresi bedeniň saglygyny goramakda has-da peýdaly hasaplanýar. Ol ownuk damarlaryň işini sazlaýar, ganjarmada peýdaly hasaplanýar. Şeýle-de, fiziki işjeňlikde, türgenleşikde alnan şikeslerden soňra, kelem şiresi bedeni dikeltmekde peýdaly melhemdir. Mundan başga-da, önümiň ýadawlygy, ysgynsyzlygy ýeňmekde ähmiýeti uludyr.
Gadymy rimlilerde gyzyl kelemiň şiresi sowuklama bilen baglanyşykly dürli näsazlyklarda işjeň ulanylypdyr. Ol häzirki wagtda lukmançylykda, derman senagatynda ýiti sowuklama kesellerinde netijeli ulanylýar. Şeýle-de, önüm ýaralaryň tiz bitmeginde, sarygetirmede hem peýdalydyr.
Seýitmyrat MAKSADOW,
Türkmen döwlet binagärlik-gurluşyk institutynyň talyby.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.
Täze jaýyň gurluşygy — peýdaly maslahatlar
Täze jaýyň gurluşygy her bir adamyň durmuşynda jogapkärli we wajyp aladalaryň biri bolup durýar. Jaý gurluşygy köp wagt, zähmet we serişde talap edýär. Bu işde ýyllaryň dowamynda toplanan peýdaly maslahatlar oňat netijeleri berip bilýär.