ÝARAGLY GÜÝÇLER — ASUDALYGYŇ WE PARAHATÇYLYGYŇ KEPILI
Ine, «Türkmenistan — parahatçylygyň we ynanyşmagyň Watany» diýlip yglan edilen 2021-nji ýylyň 27-nji ýanwarynda ata Watanymyz Türkmenistanda Ýaragly Güýçlerimiziň döredilmeginiň 29 ýyllygy we Watan goragçylarynyň güni uludan tutuýarl. Bu baýram döwletimiziň Garaşsyzlygyny, çäk bitewüligini hem-de konstitusion gyrluşyny gorap saklaýan Ýaragly Güýçlerimiziň merdana Watan Goragçylary bolan türkmen gerçeklerine bildirilýän uly ynamyň, çäksiz hormatyň we olar hakda edilýän bimöçber aladalaryň aýdyň subutnamasyna öwrüler.
Berkarar döwletimiziň bagtyýarlyk döwründe Hormatly Prezidentimiziň ýolbaşçylygynda harby gullukçylar we olaryň maşgala agzalary barada edilýän ýadowsyz aladalaryň netijesinde Ýaragly Güýçlerimiz häzirki zaman tehnologiýalar bilen üpjin edilen ykjam Milli goşun derejesine ýetdi. Çünki, Ýaragly Güýçlerimiz Watanymyzyň mukaddes serhediniň ygtybarly goragynyň, eldegrilmesizliginiň, halkmymyzyň parahat durmuşynyň kepili bolup durýar.
Ýurdumyzyň baky Bitaraplyk derejesine, Hormatly Prezidentimiziň parasatly parahatçylyk söýüjilikili syýasatyna ygraraly bolan Milli Ýaragly Güýçlerimiz sebitde durnuklylygyň daýanjyna öwrüldi. Ýaragly Güýçlerimiziň Belent Serkerdebaşysy tarapyndan 2016-njy ýylda kabul edilen goranyş häsiýetli Harby doktrinada ýurdumyzyň howpsuzlygynyň, Milli goşuny has-da ösdürmegiň we döwrebap kämil tehnologiýalar bilen enjamlaşdyrmagyň, harby bölümleriň maddy-enjamlaýyn binýadyny kemala getirmegiň hem-de berkitmegiň maksatnamasy beýan edilýär. Milli Goşunyň üpjünçiligi häzirki zaman harby tehniklarynyň gelip gowuşmagy esasynda harby gullukçylaryň tehniki taýdan ýokary taýýarlygynyň bolmalydygyny talap edýär. Şonuň bilen baglylykda, Goranmak ministrliginiň ýokary harby-okuw mekdeplerinde şeýle hem beýleki okuw merkezlerinde ýokary hünär derejeli hünärmenleri taýýarlamaga aýratyn üns berilýär. Ýaragly Güýçlerimiziň düzüminde döwrebap söweşjeň uçarlar, dikuçarlar söweşjeň awtoulaglar ýokary derejeli kämil harby tehnikalaryň dürli görnüşleri bar. Bularyň hemmesi iň döwrebap tehniklardyr. Bu tehniklary ulanmak öz işiniň ussady bolan ýokary derejeli, sowatly hünarmenleri talap edýär. Şol babatda, Goranmak ministrliginiň Harby instituty, Berdimuhamet Annaýew adyndaky 1-nji ýöriteleşdirilen harby mekdebi hem-de beýleki ýöriteleşdirilen okuw mekdepler harby ugurdan kämil derejede ýetişýän ussat hünärmenleri taýýarlaýarlar.
Hormatly Prezidentimiz: «Diňe hemmetaraplaýyn bilimli, tehniki we syýasy taýdan sowatly harby hünärmen ýurdumyzyň mukaddes serhetleriniň eldegrilmesizliginiň hem-de Garaşsyz, hemişelik Bitarap Türkmenistanyň çäk taýdan bitewüliginiň kepili bolup biler» diýip belläp geçýär. Bularyň ählisi ata-babalarymyzyň parahatsöýüjilik ýörelgelerini dowam edip we olary kämilleşdirip, Watansöýüjiligiň ýokary nusgasyna öwrülen merdana Watan goragçylarymyz babatda ýurdumyzda uly işleriň alnyp barylýandygyna aýdyň şaýatlyk edýär.
Beggeldi GUTLYÝEW,
Türkmenistanyň Daşary işler ministrliginiň Halkara gatnaşyklary institutynyň Halkara hukugy fakultetiniň talyby.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
