Okuwçy gyzlaryň arasynda “Gül tahýam” atly bäsleşik geçirildi
Türkmenistanyň Magtymguly adyndaky Ýaşlar guramasynyň Mary welaýatynyň Ýolöten etrap Geňeşi hem-de etrap bilim bölümi bilen bilelikde gurnamagynda Ýolöten etrabynyň çagalar ýetginjekler döredijilik öýünde etrabyň orta mekdeplerinde okaýan okuwçy gyzlaryň arasynda “Gül tahýam” ady bilen bäsleşik geçirildi.
Bu bäsleşige 12 sany mekdep gatnaşyp II şertler bolup, olar I –nji şerti Gül tahýanyň bejerilişi. II-nji şerti Gül tahýanyň rowaýatyny beýan etmekden ybaratdyr. Bäsleşik diýseň gyzykly bolup onda I-nji orna Ýolöten etrabynyň 20-nji orta mekdebiniň gyzlary, II-nji orna Ýolöten etrabynyň 9-njy orta mekdebiniň gyzlary, III-nji orna bolsa Ýolöten etrabynyň 46-njy orta mekdebiniň gyzlaryň ýeňiji boldular. Ýeňijilere Türkmenistanyň Magtymguly adyndaky Ýaşlar guramasynyň Mary welaýatynyň Ýolöten etrap Geňeşiniň hormat hatlary şeýle hem ýadygärlik sowgatlary gowşuryldy.
Türkmen keşdesi amaly-haşam sungatynyň bir görnüşidir. Gelin-gyzlaryň elde çekýän keşde nagyşlarynyň nusgalary öz gözbaşyny örän gadymy döwürlerden alyp gaýdýar. Milli nusgalar nesilden-nesle geçip, biziň häzirki günlerimize çenli gelip ýetipdir. Türkmen gelin-gyzlaryň waspyny ýetirjek bolsaň, onuň döreden nagyşlaryny synlaýmaly. Sünnälenip döredilen keşdeler türkmen gelin-gyzlaryň zähmetsöýerligini, edep-ekramlylygyny, ezberligini, sabyrlylygyny görkezýär. Ol eneden gyza, ýeňňeden baldyza, ýagny, arkama-arka geçip gelýän inçe senetdir, milli sungatdyr. Şolaryň biri ene-mamalarymyzyň nesilden-nesle geçirip gelýän, türkmen gelin-gyzlarynyň çeper ellerinden dörän gül tahýalarydyr. Özüniň nepisligi, owadanlygy bilen dünýä medeniýetine goşant goşan gül tahýalary nagyşlarynyň sünnäligi bilen göreni haýrana goýýar.
Jennet Orazowa,
Türkmenistan Magtymguly adyndaky Ýaşlar guramasynyň Mary welaýatynyň Ýolöten etrap Geňeşiniň guramaçylyk bölüminiň müdiri.
Serdar Berdimuhamedowyň Ministrler Kabinetiniň giňişleýin mejlisindäki çykyşy
Türkmenistanyň Prezidenti Serdar Berdimuhamedowyň Ministrler Kabinetiniň giňişleýin mejlisindäki çykyşy.
Türkmenistanyň nebitgaz toplumynda alty aýyň jemlerine garaldy
11-nji iýulda Türkmenistanyň nebitgaz toplumynyň merkezi binasynda «Garaşsyz, baky Bitarap Türkmenistan — bedew batly at-myradyň mekany» ýylynyň geçen alty aýynda ýerine ýetirilen işleriň jemine bagyşlanan hasabat ýygnagy geçirildi.
HNGU-nyň mugallymlary Hytaýyň ýokary okuw mekdeplerinde hünär ýokarlandyryş okuwlaryny geçdiler
Ýagşygeldi Kakaýew adyndaky Halkara nebit we gaz uniwersitetiniň 10 mugallymy 28-nji iýundan 7-nji iýula çenli Hytaý Halk Respublikasynyň Siýan we Çende şäherlerinde ýerleşýän Siýan nebit uniwersitetinde hem-de Hebeý hünär-tehniki nebit uniwersitetinde hünär ýokarlandyryş okuwlaryny geçdiler.
Gahryman Arkadagymyzyň EYR-nyň Teleradiogepleşikler baradaky guramasyna beren interwýusy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Eýran Yslam Respublikasyna amala aşyran saparynyň çäklerinde, eýran tarapynyň haýyşy boýunça, EYR-nyň Teleradiogepleşikler baradaky guramasynyň (IRIB) žurnalisti Seýýed Mohsen Hoseýniniň sowallaryna jogap berdi.
Ýaşyl geljege ynamly ädim: Paýtagtymyzda eko-festiwal geçirildi
4-nji iýulda «Aşgabat» söwda-dynç alyş merkezinde guralan «Bilelikde ýaşyl geljege!» atly eko-festiwal diňe bir daşky gurşawy goramagyň däl, eýsem ekologik medeniýeti ylmyň hem-de amaly tejribeleriň üsti bilen baýlaşdyrmagyň meýdançasyna öwrüldi.
