Ýurdumyzda bilim ulgamy ösdürilýär
Hormatly Prezidentimiz Serdar Berdimuhamedowyň tagallasy bilen, ýurdumyzda ylym-bilim ulgamy dünýä ülňülerine laýyk ösdürilýär. Ýurdumyzda gurlup ulanylmaga berilýän täze okuw mekdep binalary, täze hünär ugurlary we okuw mekdepleri ýaş nesliň zamanabap bilimli, hünärli bolup ýetişmegine giň mümkinçilikleri açýar.
Ýurdumyzyň orta mekdepleriň birnäçesiniň ýörite ugurly mekdepler bolmagy guwandyryjydyr. Türkmen diline, daşary ýurt dillerine, matematika we beýleki ugurlara ýöriteleşdirilen orta mekdepler Berkarar döwletimiziň bagtyýarlyk döwrüniň bilim ulgamynyň özboluşly häsiýetnamasyny emele getirýär.
Jemgyýetiň ruhy kämilligi onuň ykdysady bähbitlerini üpjün etmegiň ynamdar binýadydyr. Ynsan ruhy dünýäsi babatda näçe kämil boldugyça, jemgyýetiň ykdysady, medeni, durmuş bähbitlerine, zerurlyklaryna has aýdyň we çuň göz ýetirýär.
Häzirki wagtda ýurdumyzyň orta mekdeplerinde okuw meýilnamalary we okuw maksatnamalary döwrebaplaşdyrylyp, olar ýokary we ýörite orta hünär mekdepleriniň okuw meýilnamalarynda we okuw maksatnamalarynda berilýän bilimiň başlangyç çygyrlary bilen tanyşdyrmaga ukyplydyr. XI XII synplarda okuwçylaryň özlerini has zehinli diýip tanadan ugurlary boýunça täzeden synplara bölünmegi we tebigy, takyk we ynsanperwer ugurly dersler boýunça ýöriteleşdirilip okadylmagy olaryň geljekde ýokary we ýörite hünärleri ele almaklaryndan örän peýdalydyr.
Biz ýurdumyzda halkymyzyň eşretli durmuşda ýaşamagy, ýaşlaryň dünýä ülňülerine laýyklykda bilim alyp, zamanabap hünärmenler bolup ýetişmekleri ugrunda yzygiderli tagallalary durmuşa geçirýän mähriban Arkadagymyzyň, hormatly Prezidentimiziň janlarynyň sag, işleriniň rowaç bolmagyny arzuw edýäris.
Rustem MUHAMMEDOW,
Ýagşygeldi Kakaýew adyndaky halkara nebit we gaz uniwersitetiniň talyby.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
TOPH: sebitiň ykdysady ösüşiniň gözbaşy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başyny başlan hem-de Türkmenistanyň Prezidenti Serdar Berdimuhamedowyň baştutanlygynda üstünlikli durmuşa geçirilýän Türkmenistan — Owganystan — Pakistan — Hindistan gaz geçirijisiniň (TOPH) taslamasy häzirki döwrüň iri halkara energetika taslamalarynyň biri bolup durýar.
TOPH — SEBITDE HYZMATDAŞLYGYŇ WE ÖSÜŞIŇ ENERGETIKA KÖPRÜSI
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýakynda Amerikanyň Birleşen Ştatlaryna saparynyň çäklerinde «Al-Arabiya» teleýaýlymyna beren interwýusynda Türkmenistanyň iri halkara energetika taslamalarynyň biri bolan Türkmenistan — Owganystan — Pakistan — Hindistan (TOPH) gaz geçirijisiniň üstünlikli amala aşyrylýandygyny aýratyn nygtady.
Maýa goýum syýasaty — Türkmenistanyň durnukly ösüşiniň mäkäm binýady
Türkmenistanyň yzygiderli we öňdengörüjilikli maýa goýum syýasaty durnukly durmuş-ykdysady ösüşiň hem-de halkyň hal-ýagdaýynyň ýokarlanmagynyň möhüm şerti bolup durýar.
Watanymyz — bagtymyz, buýsanjymyz
Watanyňy söýmek — ýurduňa, halkyňa, medeniýetiňe we taryhyňa çuňňur buýsanç hem-de wepalylyk duýgusydyr. Ol diňe bir çuňňur duýgy bolman, eýsem, Watanyňa gulluk etmäge, göbek ganyň daman topragyny goramaga, ýurduň rowaçlygy, halkyň abadançylygy ugrunda yhlasyňy gaýgyrman zähmet çekmäge taýýar bolmakda jemlenýän borçdur.
