Halk lukmançylygynyň kömegi bilen gözümiziň ýitiligini dikeltmek
Biziň gözümiz elmydama ýokary agrama sezewar bolýar. Kompýuterde işlemek, telewizora tomaşa etmek, elektron kitaplary okamak — bularyň ählisi gözümize täsir edýär.
Özümizde şeýle ýagdaýyň ýüze çykanyny duýanymyzdan soň, onuň çözgüdini uzaga goýmaly däldir. Biz näçe çalt hereket etsek, şonça-da görejimiziň ýitiligini dikeltmek mümkinçiligi döreýär.
Görüjiligimiziň peselmeginiň öňüni almak her birimize başardýar. Bu meselede kadaly iýmit, suw proseduralary, ýörite beden maşklary örän möhüm bolup durýar.
Şeýle hem A, B, C, we E ýokumlary örän peýdaly bolup, munuň üçin käşir, bagyr, ysmanak, balyk, peýnir, hoz we beýleki gök-bakja önümlerini peýdalanmak maslahat berilýär. Şeýle hem bir bölek pagtany gyzgyn suwda ölläp, ony 3 minut töweregi gözüňiziň üstünde goýmaly. Soňra bu düzgüni sowuk suw bilen hem gaýtalamaly. Bu siziň ýadaw gözleriňizi arassalamaga, çyglandyrmaga hem-de gözüň dartgynlylygyny aradan aýyrmaga kömek eder.
Kakadylan ir-iýmişlerden melhem taýýarlamak hem mümkin. Munuň üçin 200 gram çernikaly bulgura gaýnag suw guýup, ony günüň dowamynda ýarym bulgurdan birnäçe gezek içmeli. Gözüňi ýitileşdirmekde halk lukmançylygy serişdelerinden çernikaly mürepbe örän gowy serişde bolup bilýär. Her gün bir uly çemçe mürepbäni gaýnag suwa guýmaly we ony ertirlik naharyndan 10 minut öň içmeli.
Gök we bakja önümlerinden alnan şireler, şeýle-de käşir, petruşka, hyýar biziň gözümize örän uly peýda getirýär. Olary ter görnüşinde isledigiňçe iýmek maslahat berilýär.
Halk lukmançylygynyň serişdeleri görejimiziň ýitiligini dikeltmekde örän möhümdir. Eger olary yzygiderli peýdalansaňyz, ýuwaş-ýuwaşdan görüjiligiňiz gowlaşar. Ýöne munuň üçin öňinçä göz lukmanynyň barlagyndan geçmek zerurdyr.
Taýýarlan Bezirgen Maksadow,
TDBGI-niň talyby.
Çopantelpegiň adam saglygyna ýetirýän peýdaly täsirleri
Gadymy döwürlerden bäri halk lukmançylygynda şypaly ösümlik hökmünde giňden ulanylýan, dünýä ýurtlarynyň köpüsinde duş gelýän çopantelpek saglygymyz üçin örän peýdalydyr.
«Bejeriş binagärligi» hassalaryň ünsüni gussaly duýgulardan sowup, olarda ruhubelentlik döredýär
Ösümlikleriň, arassa howanyň, janly-jandarlaryň bejeriş ukyplary barada bilýän hem bolsak, binagärligiň şypa berijilik häsiýeti barada seýrek eşidilýär.
Gülli kelemiň peýdasy
Gülli kelemiň (brokkoli kelemi) watany gündogar Ortaýer deňzi sebiti hasaplanýar. Ol 2 ýyllyk ösümlik bolup, ýabany kelemden gelip çykýar. Häzirki wagtda hytaý, hindi, italýan, türk, fransuz, ispan we dünýäniň başga-da ýurtlarynyň aşhanalarynda giňden ulanylýar.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
