"Aşgabat gözelligiň şäheri" atly sergi guraldy
Berkarar döwletimiziň bagtyýarlyk döwründe Gahryman Arkadagymyzyň parasatly ýolbaşçylygynda ýurdumyz gün-günden gözelleşýär. "Türkmenistan - Parahatçylygyň we ynanyşmagyň Watany" diýlip yglan edilen ýylda paýtagtymyz Aşgabat şäheriniň 140 ýyllyk baýramy giňden dabaraly ýagdaýda bellenilip geçiler. Bu baýram mynasybetli ýurdumyzyň ähli ýerlerinde dabaralar, sergiler yzygiderli guralýar. Golaýda Türkmenistanyň Döwlet çeperçilik akademiýasynda Aşgabat şäheriniň 140 ýyllygy mynasybetli "Aşgabat gözelligiň şäheri" atly ýaş binagärleriň we dizaýnerleriň işleriniň sergisiniň guralmagy hem muny aýdyňlygy bilen tassyklaýar. Bu barada akademiýanyň Binägärlik we gurluşyk fakultetiniň binagärlik kafedrasynyň müdiri Wepa Orazberdiýewiň berjek gürrüňlerini diňläliň.
-Wepa mugallym, talyplaryňyz öz işlerini ýerine ýetirende nähili aýratynlyklara üns berýärler?
- Görşüňiz ýaly akademiýamyzyň talyplary Aşgabat şäheriniň 140 ýyllygy mynasybetli öz ukybyna görä uly hyjuw bilen synlaýan işleriňizi ýerine ýetirdiler. Ýerine ýetirilen işler meýilnamalaýyn amala aşyryldy we sergä çykaryldy. Bu ýerdäki ýerleşdirilen taslamalaryň millilik ruhuna ýugrulandygyny görmek bolýar. Men talyplara her bir edýän taslamalarynyň millilige esaslanan bolmalydygy barada tabşyrdym. Synlaýan binalaryňyzyň, ýaşaýyş jaýlaryňyzyň, sport desgalarynyň ýa-da beýleki desgalaryň taslamalarynda millilik ýörelgelerini şöhlelendirmek üçin talyplar haly gölleriň şekillerine, milli nagyşlara salgylandylar.
-Mugallym siz talyplaryňyzyň işleriniň meýilnamalaýyn esasda amala aşyrylýandygy barada aýtdyňyz. Olaryň meýilnamadan daşary hem ýerine ýetiren işleri barmy?
-Elbetde, talyp ýaşlarymyz diňe bir biziň meýilnamamyz esasynda binalaryň taslamalaryny ýerine ýetirmän, eýsem daşyndan hem birnäçe işleri ýerine ýetirdiler. Synlaýan binalaryň taslamalarynyň arasynda talyplaryň özbaşdak döredijilikli ýerine ýetiren işlerini hem görmek bolýar. Döredijilikli pikirlenip, etjek işiňi aňyňda aýlap döredilen binalaryň taslamalary beýlekilerden has tapawutlanýar. Erkin pikirlerini beýan edýän talyplardan kämil taslama döreýär.
-Wepa mugallym, talyplaryňyzyň işleri halkara derejesinde geçirilýän sergilere ýa-da bäsleşiklere hem gatnaşýarmy?
-Hawa, elbetde biziň ýokary okuw mekdebimiziň 5-nji ýyl talyby Jennet Rejepowa halkara derejesindäki birnäçe sergilere öz eserlerini hödürläp diplomlaryň birnäçesine mynasyp bolmagy başardy. Bu talybymyz häzirki wagtda Hindistandaky geçirilýän sergä öz işini onlaýn görnüşinde hödürledi. Mundan başgada birnäçe talyplarymyz halkara derejesinde geçirilen bäsleşige öz işlerini hödürläp diplomlara mynasyp boldy. Talyplarymyzyň edýän işleriniň halkara derejesindäki bäsleşiklere gatnaşyp baýrakly orunlary eýelemegi bizi örän buýsandyrýar. Biz Türkmenistanyň Döwlet çeperçilik akademiýasynyň mugallymlary we talyp ýaşlary bolup gözel paýtagtymyz Aşgabat şäheriniň görküne-görk goşjak ajaýyp binalaryň ençemesiniň taslamasyny dörederis. Pursatdan peýdalanyp döredijilikli zähmet çekmek üçin giň mümkinçilikleri döredip berýän Hormatly Prezidentimiziň janynyň sag, ömrüniň uzak bolmagyny, il-ýurt bähbitli tutumly işleriniň rowaçlyklara beslenmegini arzuw edýärin!
-Sag boluň, Wepa mugallym. Size hem hormatly mugallymçylyk käriňizde uly üstünlikleri arzuw edýäris!
Söhbetdeş bolan: Aýlar ATAJYKOWA,
Türkmenistanyň Daşary işler ministrliginiň Halkara gatnaşyklary institutynyň talyby.
Türkmenistanyň nebitgaz toplumy Garaşsyzlygymyzyň 35 ýyllygyny zähmet ýeňişleri bilen garşy alýar
Mukaddes Garaşsyzlygymyzyň şanly 35 ýyllygyna hem-de «Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylyň hormatyna Türkmenistanyň Döwlet medeniýet merkeziniň Mukamlar köşgünde ýokary guramaçylyk derejesinde geçirilen dabaraly mejlis medeniýet we sungat işgärlerini, jemgyýetçiligiň wekillerini bir ýere jemläp, ýurdumyzda täze ruhubelentlik we döredijilik badalgalaryny döretdi.
Türkmenistanyň energetika kuwwaty täze derejä çykýar
Türkmenistanyň ýangyç-energetika toplumy milli ykdysadyýetiň düzüminde möhüm orny eýeläp, ykdysady ösüşi üpjün etmek bilen çäklenmän, eýsem, döwletimiziň halkara giňişliginde eýeleýän ornuny pugtalandyrmagyň möhüm guraly bolup durýar. Häzirki döwürde pudagyň ösüşi uzak möhletli durnuklylygy, tehnologik döwrebaplygy we daşary ykdysady gatnaşyklaryň giňeldilmegini ugur edinýän yzygiderli we strategik häsiýete eýe bolýar.
Türkmenistan we Malaýziýa nebitgaz pudagynda strategik hyzmatdaşlygy berkidýärler
19-njy iýunda paýtagtymyzdaky Söwda-senagat edarasynda geçirilen «Türkmenistan — Malaýziýa: nebitgaz pudagynda özara bähbitli hyzmatdaşlyga 30 ýyl» atly halkara ylmy-amaly maslahat hem-de energetika pudagynda iki ýurduň netijeli gatnaşyklarynyň otuz ýyllygyna bagyşlanan sergi türkmen-malaý gatnaşyklarynyň ýokary derejesini hem-de nebitgaz pudagynda hyzmatdaşlygyň strategik häsiýetini dabaralandyrdy.
Owganystanda TOPH gaz geçirijisiniň strategik böleginiň gurluşygy dowam edýär
«Garaşsyz, baky Bitarap Türkmenistan — bedew batly at-myradyň mekany» diýen şygar astynda geçýän ýylda häzirki döwrüň iri halkara energetika taslamalarynyň biri — Türkmenistan — Owganystan — Pakistan —Hindistan (TOPH) gaz geçirijiniň gurluşygy dowam edýär.
Türkmen-hytaý hyzmatdaşlygy pugtalanýar
«Garaşsyz, baky Bitarap Türkmenistan — bedew batly at-myradyň mekany» diýlip yglan edilen 2026-njy ýylyň 17-nji aprelinde Gahryman Arkadagymyzyň, Arkadagly Gahryman Serdarymyzyň tagallalary esasynda, türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň hem-de Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýanyň Mary welaýatynyň Ýolöten etrabynyň çäginde «Galkynyş» gaz känini özleşdirmegiň dördünji tapgyrynyň gurluşyk işlerine badalga beren güni berkarar Watanymyzyň täze taryhyna altyn harplar bilen ýazyldy.
