Hökümet mejlisinde Türkmenistanyň nebiti gaýtadan işleýän toplumyny ösdürmegiň meseleleri maslahatlaşyldy
21.02.23 - 18:27Türkmenistanyň Prezidenti Serdar Berdimuhamedowyň geçen anna güni sanly ulgam arkaly geçiren Hökümet mejlisinde Ministrler Kabinetiniň Başlygynyň orunbasary A.Begliýew ýurdumyzyň nebiti gaýtadan işleýän senagatyny kämilleşdirmek boýunça alnyp barylýan işler barada hasabat berdi.
Türkmenistanyň we Awstriýanyň DIM-niň ýolbaşçylary söwda-ykdysady hyzmatdaşlygyň geljegini maslahatlaşdylar
18.02.23 - 11:32Türkmenistanyň Daşary işler ministri Raşid Meredowyň Awstriýa Respublikasynyň Ýewropa we halkara işler boýunça federal ministri Aleksander Şallenberg bilen wideoaragatnaşyk arkaly geçiren duşuşygynda türkmen-awstriýa hyzmatdaşlygynyň häzirki ýagdaýy we geljegi barada pikir alşyldy. Bu barada Türkmenistanyň DIM-niň saýty habar berýär.
Eýran türkmen we rus gazyny islendik ugurda ibermäge taýýar
18.02.23 - 11:27Eýran türkmen we russiýa gazyny islendik ugurda, şol sanda Günorta Aziýa ugrunda ibermegi teklip etdi. Bu barada Eýranyň gaz inženerçiligi we ösüş kompaniýasynyň (IGEDC) ýolbaşçysy Reza Nowşadi aýtdy diýip, News Central Asia (nCa) habarlar gullugy habar berdi.
Magtymguly Pyragynyň doglan gününiň 300-ýyllygyna bagyşlanan ylmy-amaly maslahat Azerbaijanda geçirdi
17.02.23 - 11:172023-nji ýylyň 15-nji fewralynda Türkmenistanyň Azerbaijan Respublikasyndaky Ilçihanasy Azerbaijanyň Milli Ylymlar akademiýasy we Türkmenistanyň Ylymlar akademiýasy bilen bilelikde Gündogaryň beýik akyldary we nusgawy şahyry Magtymguly Pyragynyň doglan gününiň 300-ýyllygyna bagyşlanan “Magtymgyly Pyragy – dünýä edebiýatynyň görnükli şahyry” atly ylmy-amaly maslahat geçirdi, diýip Türkmenistanyň DIM-niň web-saýty habar berýär.
Türkmenistanyň Prezidenti «Gazprom» bilen hyzmatdaşlygy çuňlaşdyrmak üçin oňat mümkinçilikleriň bardygyny belledi
16.02.23 - 23:02Türkmenistanyň Prezidenti Serdar Berdimuhamedow «Gazprom» açyk görnüşli paýdarlar jemgyýetiniň müdiriýetiniň başlygy Alekseý Miller bilen duşuşygynyň barşynda ikitaraplaýyn hyzmatdaşlygy mundan beýläk hem çuňlaşdyrmak üçin oňat mümkinçilikleriň bardygyny belledi. Bu barada TDH habar berýär.
Türkmenistan bilen Eýranyň arasynda energetika, ulag-üstaşyr ulgamlarda hyzmatdaşlygy giňeltmegiň mümkinçilikleri maslahatlaşyldy
16.02.23 - 22:58Türkmenistanyň daşary syýasat edarasynda Daşary işler ministri Raşid Meredowyň Eýran Yslam Respublikasynyň Kooperatiwleşmek, zähmet we durmuş abadançylygy ministri Soulat Mortazawiniň ýolbaşçylygyndaky wekiliýet bilen geçiren duşuşygynda energetika, ulag we üstaşyr ulgamlarda hyzmatdaşlygy giňeltmegiň mümkinçilikleri ara alnyp maslahatlaşyldy. Bu barada Türkmenistanyň DIM-niň saýty habar berýär.
Nebitgaz toplumynda ýylyň jemlerine garaldy
16.02.23 - 12:11Türkmenistanyň nebitgaz toplumynyň merkezi binasynda «Halkyň Arkadagly zamanasy» ýyly diýlip yglan edilen 2022-nji ýylda ýerine ýetirilen işleriň jemlerine bagyşlanan hasabat ýygnagy geçirildi. Onda «Arkadag Serdarly bagtyýar ýaşlar ýylynyň» 10-njy fewralynda hormatly Prezidentimiz Serdar Berdimuhamedowyň 2022-nji ýylda ýurdumyzyň ykdysadyýetini ösdürmek boýunça alnyp barlan işleriň jemlerine bagyşlanan Ministrler Kabinetiniň giňişleýin mejlisinde nebitgaz toplumynyň öňünde goýan wezipeleri ara alnyp maslahatlaşyldy.
Argus Türkmenistanyň kompaniýalaryny Dubaýda geçiriljek nebit önümleri boýunça maslahata çagyrýar
16.02.23 - 00:22Argus halkara baha beriş agentligi 16-17-nji martda Dubaýda (Birleşen Arap Emirlikleri) «Argus nebit önümleri bazary 2023. Hazar we Merkezi Aziýa» atly Halkara maslahatyna çagyrýar.
Türkmenistanyň 2023-nji ýyl üçin 37,4 mlrd manat möçberde maýa goýum maksatnamasy tassyklanyldy
14.02.23 - 23:33Prezident Serdar Berdimuhamedow 2023-nji ýyl üçin Türkmenistanyň maýa goýum maksatnamasyny tassyklady, resminama laýyklykda, onuň möçberi 37,4 mlrd manada deň. Degişli resminama ýurdumyzyň habar beriş serişdelerinde neşir edildi.
Türkmenistanyň Prezidenti 2023-nji ýylda ýurdumyzy durmuş-ykdysady taýdan ösdürmegiň Maksatnamasyny tassyklady
14.02.23 - 23:28Türkmenistanyň Prezidenti Serdar Berdimuhamedow 2023-nji ýylda ýurdumyzy durmuş-ykdysady taýdan ösdürmegiň Maksatnamasyna gol çekdi. Döwlet Baştutany degişli resminama geçen anna güni gol çekdi.
Geçen hepdäniň birža täzelikleri
14.02.23 - 22:50Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 79-sy hasaba alyndy.
Türkmenistanyň Prezidenti Serdar Berdimuhamedowyň Ministrler Kabinetiniň giňişleýin mejlisindäki çykyşy
13.02.23 - 16:54Türkmenistanyň Prezidenti Serdar Berdimuhamedowyň Ministrler Kabinetiniň giňişleýin mejlisindäki çykyşy (2023-nji ýylyň 10-njy fewraly)
Türkmenistanyň Hökümet mejlisinde nebitgaz toplumynyň işiniň 2022-nji ýyl boýunça jemleri jemlenildi
13.02.23 - 15:43Prezident Serdar Berdimuhamedow geçen anna güni Ministrler Kabinetiniň giňişleýin mejlisini geçirdi. Onda 2022-nji ýylda ýurdumyzyň ykdysadyýetini ösdürmek boýunça alnyp barlan işleriň jemleri jemlenildi. Wise-premýerleriň, aýry-aýry ministrlikleriň ýolbaşçylarynyň, welaýatlaryň we Aşgabat şäheriniň häkimleriniň hasabatlary diňlenildi.
Türkmenistanda ýangyç-energetika toplumy boýunça täze wise-premýer bellenildi
13.02.23 - 15:40Aşyrguly Begliýew Türkmenistanyň Ministrler Kabinetiniň Başlygynyň ýangyç-energetika toplumynyň meseleleri boýunça orunbasary wezipesine bellenildi. Degişli resminama Prezident Serdar Berdimuhamedow geçen anna güni 2022-nji ýylyň netijelerine bagyşlanyp geçirilen giňişleýin Hökümet mejlisiniň barşynda gol çekdi.
BAE-niň kompaniýalary Türkmenistanda «Galkynyş» känini özleşdirmek we beýleki taslamalara gatnaşar
13.02.23 - 15:29Birleşen Arap Emirlikleriniň iri nebitgaz kompaniýalary Türkmenistandaky ägirt uly «Galkynyş» gaz käniniň nobatdaky tapgyrlaryny özleşdirmäge işjeň gatnaşarlar. Bu «Türkmengaz» döwlet konserni bilen Abu-Dabiniň Milli nebit kompaniýasynyň (ADNOC) arasynda energetika ulgamynda hyzmatdaşlyk babatda özara düşünişmek hakynda gol çekilen Ähtnamada göz öňüne tutulýar.