Nusgawy sazy diňlemegiň peýdasy
Aýdym-sazyň köp peýdasynyň bardygyny dürli gözlegler subut etdi. Nusgawy sazyň çagalary rahatlandyrýan, işdäki stresleri azaldýan, ünsi artdyrmak arkaly öndürijiligi ýokarlandyrýan we başga-da köp zatlara peýdalygyny bilýärmidiňiz?!
Gözlegler nusgawy sazy diňleýän adamlaryň has gowy ýatlamalarynyň bardygyny görkezýär. Jadyly bellikler dünýäsine çümen adamlarda ýat bilen gönüden-göni baglanyşykly beýni tolkun hereketleriniň köpelmegi kesgitlenildi. Möhüm çykyşy ýatda saklamak isleseňiz, tejribe wagtynda nusgawy saz diňlemek peýdaly bolup biler.
Dürli gözlegler, nusgawy sazyň tempiniň adam ýüreginiň adaty urgusyna meňzeş akymyň bardygyny görkezýär. Aladany we stresleri azaldýan bu temp sebäpli, gönüden-göni bejergi hökmünde ulanylmasa-da, depressiýa bejergisinde nusgawy saz ulanylýar. Käbir nusgawy saz eserleri beýniniň işjeňligini ýokarlandyrýar we döredijilikli pikirlenmäge itergi berýär.
Uklamak meselesi soňky döwürde adaty bir mesele. Köşeşdiriji täsiri bilen tanalýan nusgawy saz, uklamagyňyzy hem aňsatlaşdyrýar. Ýatmazdan ozal nusgawy saz diňläp, ukyňyzyň hilini ýokarlandyryp bilersiňiz.
Aýnazar AÝNAZAROW,
Türkmen döwlet ykdysadyýet we dolandyryş
institutynyň mugallymy.
Aýdym-saz täsin güýçdür
Çaganyň şahsyýet bolup kemala gelmeginde, dünýägaraýşynyň baýlaşmagynda we içki dünýäsiniň sazlaşykly ösmeginde aýdym-saz terbiýesiniň orny örän uludyr. Saz çaganyň kalbyna, aň-düşünjesine we emosional ýagdaýyna gös-göni täsir edýän, ony gözelliklere ugrukdyrýan täsirli guraldyr. Kiçi ýaşly çagalar daşky gurşawy has ir we duýgur kabul edýärler, şonuň üçin hem çagalar bagynda berilýän ilkinji aýdym-saz sapaklary olaryň geljekki durmuşynyň manyly bolmagynda möhüm binýat bolup hyzmat edýär.
Çepbekeýler adaty bolmadyk çemeleşmeleri tapýarlar
Donald Kostello işewürlik kollejiniň amerikan alymlary tarapyndan geçirilen täze gözleg çep eliň hünär kämillikde we baýlyga ýetmekde möhüm esas bolup biljekdigini görkezýär.
Bagbançylygyň ähmiýeti
Gözlegleriň netijesi bagbançylygyň adam beýnisine we bedenine oňyn täsir edýändigini görkezdi.
Aýdym aýtmak – saglygyňy berkitmek
Gadymyýetden bäri adamlar öz sesiniň güýji bilen saglygyny dikeldip bilipdirler. Aristotel we Pifagor akyl taýdan bozulmalary bejermekde aýdym aýtmagy maslahat beripdirler.
Çopantelpegiň adam saglygyna ýetirýän peýdaly täsirleri
Gadymy döwürlerden bäri halk lukmançylygynda şypaly ösümlik hökmünde giňden ulanylýan, dünýä ýurtlarynyň köpüsinde duş gelýän çopantelpek saglygymyz üçin örän peýdalydyr.
