Ýiti sowuklamadan goranmagyň ýönekeý usuly
Diş arassalanylýan serişdeleriň sowuklama keselleriniň, şol sanda ýiti we agyr görnüşli öýken sowuklama syrkawlamalarynyň öňüni alýandygy mälim edildi. Müsüriň Kair uniwersitetiniň alymlary öz barlaglarynyň esasynda şeýle netijä geldiler. Bu barada «ZOŽ.News» habar berýär.
Bilermenleriň barlaglarynda beýan etmegine görä, dişleri we diş eti şikesli adamlaryň agyz boşlugynda kesel dörediji ownuk bedenleriň, şeýle-de wiruslaryň saklanmak, köpelmek ähtimallygy ýokary bolýar. Adamyň dişleri we agyz boşlugynyň beýleki agzalary sagdyn bolanda, ýokanç kesel bilen syrkawlamak ýagdaýy üzül-kesil kemelýär. Onuň üçin wagtly-wagtynda dişleriň ýörite niýetlenilen agyz çaýkalýan suwuklyklar, diş pastalary, sapaklary bilen yzygider arassalanyp durulmagy zerurdyr.
Kair uniwersitetiniň alymy Ahmet Mustafanyň bellemegine görä, dişleriň, umuman, agyz boşlugynyň arassa saklanylmagy, sagdynlygynyň gazanylmagy adamy ýürek kesellerinden we immunitetiň (kesele garşy göreşijilik ukybynyň) peselmeginden hem goraýar. Bilermen ýiti öýken sowuklamasy bilen näsaglyk tapylaýan ýagdaýynda ýokarda agzalan arassaçylyk şertlerini has-da pugta berjaý etmelidigini sözüniň üstüne goşýar.
Taýýarlan Kyýas MYRADOW,
Türkmen döwlet binagärlik - gurluşyk institutynyň talyby.
Çopantelpegiň adam saglygyna ýetirýän peýdaly täsirleri
Gadymy döwürlerden bäri halk lukmançylygynda şypaly ösümlik hökmünde giňden ulanylýan, dünýä ýurtlarynyň köpüsinde duş gelýän çopantelpek saglygymyz üçin örän peýdalydyr.
«Bejeriş binagärligi» hassalaryň ünsüni gussaly duýgulardan sowup, olarda ruhubelentlik döredýär
Ösümlikleriň, arassa howanyň, janly-jandarlaryň bejeriş ukyplary barada bilýän hem bolsak, binagärligiň şypa berijilik häsiýeti barada seýrek eşidilýär.
Gülli kelemiň peýdasy
Gülli kelemiň (brokkoli kelemi) watany gündogar Ortaýer deňzi sebiti hasaplanýar. Ol 2 ýyllyk ösümlik bolup, ýabany kelemden gelip çykýar. Häzirki wagtda hytaý, hindi, italýan, türk, fransuz, ispan we dünýäniň başga-da ýurtlarynyň aşhanalarynda giňden ulanylýar.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
