On günde saglygy berkidip bilýän şugundyr suwy
Şugundyr suwy ýürek-damar ulgamynyň we beýniniň işine oňyn täsir edip biler. Bu barada Angliýadaky Exeter uniwersitetiniň alymlaryna salgylanyp, nation-news.ru habar berdi.
Şugundyr suwunyň ýürek-damar ulgamyna we beýniniň işine täsiri käbir himiki maddalaryň beden tarapyndan gaýtadan işlenmegi bilen bagly bolup durýar. Barlagçylar muny subut etmek üçin degişli synag geçirdiler. Synag 70 ýaşdan 80 ýaş aralygyndaky 26 adamyň gatnaşmagynda on gün dowam etdi.
Özboluşly synaga gatnaşanlar günde iki wagtyna peýdaly nitratlara we witaminlere baý bolan şugundyr suwuny içdiler. Içgi bedende peýdaly bakteriýalaryň derejesini ep-esli ýokarlandyrdy we çişmä sebäp bolýan mikroorganizmleriň sanyny azaltdy.
Barlagyň netijesi, içginiň bary-ýogy on günde agyz boşlugynyň we içegeleriň mikrobiomasyny ep-esli derejede üýtgedip biljekdigini görkezdi. Barlagyň netijelerini işiň baş awtory Anni Wanhatalo yglan etdi diýip, çeşme belledi.
Daýanç MYRADOW,
Türkmen döwlet binagärlik-gurluşyk institutynyň talyby.
Çopantelpegiň adam saglygyna ýetirýän peýdaly täsirleri
Gadymy döwürlerden bäri halk lukmançylygynda şypaly ösümlik hökmünde giňden ulanylýan, dünýä ýurtlarynyň köpüsinde duş gelýän çopantelpek saglygymyz üçin örän peýdalydyr.
«Bejeriş binagärligi» hassalaryň ünsüni gussaly duýgulardan sowup, olarda ruhubelentlik döredýär
Ösümlikleriň, arassa howanyň, janly-jandarlaryň bejeriş ukyplary barada bilýän hem bolsak, binagärligiň şypa berijilik häsiýeti barada seýrek eşidilýär.
Gülli kelemiň peýdasy
Gülli kelemiň (brokkoli kelemi) watany gündogar Ortaýer deňzi sebiti hasaplanýar. Ol 2 ýyllyk ösümlik bolup, ýabany kelemden gelip çykýar. Häzirki wagtda hytaý, hindi, italýan, türk, fransuz, ispan we dünýäniň başga-da ýurtlarynyň aşhanalarynda giňden ulanylýar.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
