Beden maşklarynyň ähmiýeti
00:49 27.11.2021
Beden maşklarynyň iň peýdaly görnüşlerinden biri irdenki türgenleşiklerdir. Ukudan oýanyp, beden ähli funksiýalary ýuwaş-ýuwaşdan dikeldýär, irdenki türgenleşik bolsa bu prosesi has hem çaltlandyryp, bedeniň fiziki ýagdaýyny gowulandyrýar. Ir säheriň howasy jana derman hasaplanýar, şonuň üçin irdenki maşklar hem saglygyňy goramakda we dikeltmekde örän wajypdyr.
Yzygiderli häsiýete eýe bolan irdenki türgenleşikler ýüregiň myşsalaryny berkidýär, gan damarlarynyň ýagdaýyny kadalaşdyrýar, ünslüligi, ýatkeşligi ösdürýär, bedeniň hereket ulgamyny tizleşdirýär, beýniniň işleýşini kämilleşdirýär we ş.m. Irdenki maşk toplumy nämelerden ybarat. Ol özünde arkany we boýny çekmek, ýoganyň ýönekeý tärlerini ýerine ýetirmek, bogunlary gyzdyrmak we herekete getirmek ýaly maşklardan ybarat. Irdenki maşkyň esasy wezipesi beýnini oýandyrmak bolup durýar. Munuň üçin bolsa 15 minutlyk türgenşelik ýeterlik bolýar, sebäbi günüň ilkinji türgenleşigi agyr we uzak wagtlyk bolmaly däldir.
Häzirki wagtda dünýäde ilatyň aglaba bölegi oturyp ýa-da aýak üstünde zähmet çekýär. Elbetde, bu ýagdaý saglyga, beden gurluşyna belli bir derejede ýaramaz täsir edip bilýär. Şonuň üçin irdenki maşklar her bir ynsanyň durmuşynda uly orny eýelemelidir, ýagny, yzygiderli türgenleşikler bedenimizi sagdyn, ruhubelent ýagdaýda saklamaga mümkinçilik berýär. Saglyk bilen bagly meseleler günüň agramly bölegini oturyp işleýän, az hereketli durmuş sürýän adamlarda ýygy ýüze çykýar. Olardan semizlik, bogun we kelle agyrylary, gan basyşynyň ýokarlanmagy has köp ýaýrandyr. Elbetde, bu nähoşluklar öz ýany bilen has düýpli fiziki näsazlyklary getirip bilýär. Şonuň üçin lukmanlar, tälimçi hünärmenler iş wagtynyň arasynda bedene dynç bermegi, gimnastika, ýönekeý maşklar bilen meşgullanmagy maslahat berýärler. Her 1.5-2 sagatdan şeýle maşklary gaýtalamak saglygymyzy gorap saklamakda örän wajypdyr.
Häzirki döwürde onlaýn türgenleşikler uly meşhurlyga eýe boldy. Fitnes tälimçileri, lukmanlar ýörite web sahypalary ýa-da belli köpçülikleýin ulgamlarda kanallary açyp, sagdyn durmuş ýörelgesi, türgenleşikler barada gyzykly audio we wideo maglumatlary göni ýaýlymda paýlaşýarlar. Bu bolsa iň gymmatly baýlygymyz bolan saglygymyzy goramakda örän ähmiýetlidir.
Güljemal BAZAROWA,
Türkmen döwlet ykdysadyýet we dolandyryş institutynyň talyby.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.
Täze jaýyň gurluşygy — peýdaly maslahatlar
Täze jaýyň gurluşygy her bir adamyň durmuşynda jogapkärli we wajyp aladalaryň biri bolup durýar. Jaý gurluşygy köp wagt, zähmet we serişde talap edýär. Bu işde ýyllaryň dowamynda toplanan peýdaly maslahatlar oňat netijeleri berip bilýär.
