Ata-babalarymyz jöweni gadym döwürlerden bäri ekipdirler hem-de ony iýmit maksatly ulanypdyrlar. Onuň unundan bişirilen çörege ene-mamalarymyz «zagara» diýip at beripdirler. Zagara çöregi, edil çowdary ýaly, melhemlik häsiýete eýe bolmak bilen, köp dertleriň dermany hasaplanylýar. Ol süýji keselli adamlar üçin iň gowy berhizlik iýmitdir. Gan basyşy ýokary adamlar hem zagara çöreginden haýyr tapýarlar. Jöweniň melhemlik häsiýetiniň ýokarylygy üçin ondan dürli tagamlary taýýarlapdyrlar.

Jöwen ösümliginiň düzüminde biologik işjeň maddalar: beloklar, ýag, uglewodlar, kletçatka, pektinler, saharoza, şeker, krahmalyň mukdary 70 — 72%, çalşyp bolmaýan aminokislotalaryň biri liziniň 15% we başga-da organiki däl birleşmeler saklanýar. Mundan başga-da, witaminlerden A, D, D2, D3 E, K, B1, B2, B3, B4, B5, B6, B9, B12, beta karotin, alfa — karotin saklanýar. Himiki elementlerden kalsiý, demir, magniý, fosfor, kaliý, natriý, sink, mis, marganes, selen, ftor ýaly elementlere baýdyr.

Taýýarlan Guwanç GURBANGELDIÝEW,

Türkmen döwlet binagärlik-gurluşyk institutynyň talyby.