Gyş paslynda jan saglygyňa peýdaly iýmitler
20:52 30.12.2020
Sowuklamanyň öňüni alar ýaly, bedeniň kesele garşy göreşijiligini artdyrmak üçin jan saglygyňa peýdaly iýmiti, dürli witaminlere baý nygmatlary iýmeli. Gyş paslynyň dowam edýän günlerinde miweleriň aýry-aýrylykda nämä peýdalydygyny bilmek her birimiz üçin diýseň gyzyklydyr. Olaryň käbiriniň peýdasy barada durup geçeliň.
Mandarin – edil beýleki miwelerde bolşy ýaly, C witamine baýdyr. Bu miwäniň esasy aýratynlygy onuň düzümindäki ýokumly maddalaryň peýdasynyň uzak wagtlap saklanýanlygydyr. Bilermenler mandariniň günde 2-3 sanysyny iýmegi maslahat berýärler. Onuň şiresi berhiz tutýanlara, sowuklama bilen ýoňlanlara diýseň peýdalydyr. Ol suwsuzlygy gandyrýar, şeýle-de, işdäňi açýar hem-de iýmit siňdirişi kadalaşdyrýar. Hünärmenleriň geçiren barlaglarynyň netijesinde mandariniň horlanmakda nepiniň uludygy nygtalýar. Şonuň üçin gyş aýlary gündelik iýmitiňizde hökmany bolmaly miweleriň sanawyna ter mandarini goşuň.
Limon – böwrek kesellerinde, guragyryda, bognagyryda diýseň peýdalydyr. Limonyň şiresiniň esasan-da, berhiz tutýanlar üçin nepi uludyr. Suw garylan limon şiresi agyz boşlugy, damagyň nemli bardalary üçin haýyrlydyr. Limon we onuň şiresi dümewiň öňüni almakda iň peýdaly nygmatdyr. Gyş paslynda limonly çaý içmek hem-de ary baly bilen limonyň mäjumyny ajöze iýmek dümewden goraýar. Irden we ukudan öň ýarty limonyň şiresini, 1 nahar çemçe ary balyny 1 bulgur ýyly suwa garyp içmeli. Ýyly suwdaky limon ýürek bulanmany, sary gaýnamany aýyrmakda kömek edýär. Limon gan basyşyny kadalaşdyrýar, şeýle-de saçyň düşmeginiň öňüni alýar.
Taýýarlan Ýazgül ANNAÝEWA,
USSAT NEWS.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.
Täze jaýyň gurluşygy — peýdaly maslahatlar
Täze jaýyň gurluşygy her bir adamyň durmuşynda jogapkärli we wajyp aladalaryň biri bolup durýar. Jaý gurluşygy köp wagt, zähmet we serişde talap edýär. Bu işde ýyllaryň dowamynda toplanan peýdaly maslahatlar oňat netijeleri berip bilýär.
