Iphone 14 modelleriniň peýdaly aýratynlyklary
10:50 22.05.2023
Häzirki ösen tehnologiýalar zamanasynda tehnika enjamlarynyň mümkinçilikleri haýran galdyrýar. Bu ugurda zähmet çekýän dünýäniň iri kompaniýalarynyň önümleri täze funksiýalara eýe bolup, geçmişde «mümkin däl» diýen düşünjäni aradan aýyrýar. Dünýä belli Apple kompaniýasynyň öndürýän ykjam telefonlarynyň Iphone 14 modelleriniň peýdaly aýratynlyklary bilen tanyş bolalyň.
Enjam ýol heläkçiligini anyklap we degişli edaralara habar berip bilýän ýörite datçiklere eýedir. Telefon heläkçiligiň derejesini kesgitlemäge, şeýle hem aragatnaşyk operatoryň ýa-da WIFI torlary elýeterli bolmadyk wagtynda, älem hemrasyna birigip sms ibermäge ukyplydyr.
Enjamyň «bellikler» bölümi ulanyjynyň hereketlerini anyklamaga ukyplydyr. Onuň kömegi bilen kwadrat, üçburçlyk, tegelek, oklar ýaly şekilleri arkaýyn çyzyp bolýar. Şeýle-de, belliklerde el ýazuwyny tanamak funksiýasy bar. Telefonyň öňki modellerinde ses ýazgylary geçirilende käbir kynçylyklar ýüze çykaryldy. Olardan ýazgyny tapmakda, saýhallamakda ýüze çykýan kemçilikleri görkezip bolar. Iphone 14 modelinde ses ýazgylary ýörite bukjalara tertip boýunça bölünýär hem-de onda ýalňyşlyk bilen öçürilen ýazgylary dikeltmek mümkinçiligi bar.
Enjamyň ýene bir peýdaly aýratynlygy «Always-On Display» bolup durýar. Bu funksiýa ulanyjynyň islegine görä ekranda gerekli maglumatlary öçmeden görkezip bilýär. Onuň kömegi bilen möhüm programmalary ulanmak has-da ýeňilleşýär. Bulardan başga-da enjamyň peýdaly funksiýalary kän, olar bilen ulanyjy wagtyň geçmegi bilen giňişleýin tanşyp biler.
Taýýarlan Sülgün MUHYÝEWA,
«Türkmenhimiýa» döwlet konserniniň Türkmenabat şäherindäki tehniki orta hünär okuw mekdebiniň mugallymy.
Gülli kelemiň peýdasy
Gülli kelemiň (brokkoli kelemi) watany gündogar Ortaýer deňzi sebiti hasaplanýar. Ol 2 ýyllyk ösümlik bolup, ýabany kelemden gelip çykýar. Häzirki wagtda hytaý, hindi, italýan, türk, fransuz, ispan we dünýäniň başga-da ýurtlarynyň aşhanalarynda giňden ulanylýar.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
Nohudyň peýdasy
Nohut — iň gadymy ösümlikleriň biri. Onuň watany günorta-günbatar Aziýa we ýakyn Gündogar hasaplanýar. Ösümlik bu ýerlerde miladydan öňki 7-nji müňýyllykda ösdürilip ýetişdirilipdir. Dünýäde nohudyň 70-e golaý görnüşi belli bolup, olardan diňe iki görnüşi giňden ulanylýar. Ol gök çig görnüşinde we gabykly bişen görnüşinde ulanylýar. Ösümlik beloklaryň ajaýyp çeşmesidir. Onuň 100 gramynda takmynan 25 gram belok bar. Şonuň üçin nohut sagdyn iýmitlenişiň aýrylmaz bölegi hasaplanýar.
Greýpfrut — peýdaly miwe
Greýpfrut tropiki miwelere degişli bolup, onuň watany Barbados adasy hasaplanýar. Ol elmydama ýaşyl öwüsýän agaçda ýetişip, sowuk howany halamaýar. Miwe ýolunmanka daşky görnüşi boýunça üzüme çalym edýär.
