Windows 11 ulgamynyň peýdaly funksiýalary
Häzirki zaman kompýuter enjamlarynda giňden ulanylýan operasion ulgamlaryň biri hem windows operasion ulgamydyr. Microsoft kompaniýasynyň önümi bolan windows operasion ulgamlarynyň 11-nji nesli bütin dünýäde ulanyjylar tarapyndan uly seslenme tapdy. Onuň peýdaly funksiýalary bilen tanyş bolalyň.
WOW üpjünçiligi ulanyjynyň işini ýeňilleşdirýän esasy aýratynlyklaryň biridir. Ýagny, onuň kömegi bilen sesi ýazuw formatyna geçirip bolýar. Bu funksiýa «Windows + H» kombinasiýasy bilen çagyrylýar. Aýratyn bellemeli zatlaryň biri hem programma dyngy belgilerini kesgitleýär hem-de ýazuw düzgünlerine görä, tekstdäki ýalňyşlary ýüze çykarýar we düzedýär. Şeýle-de, programmada «Win +» kombinasiýasy bilen tekstde ulanyljak şekiljik panelini çykaryp bolýar.
Kämilleşdirilen alyş-çalyş buferi aýratyn bellenmäge mynasypdyr. Ol özünde ulanyjynyň ähli göçürilenlerini (kopýalamak) saklaýar. Onda diňe tekst ýa-da baglanyşyklar saklanman, eýsem suratlar hem bar.
Ulgamda täze gyzgyn gysga düwmeler hem bar. Meselem, «Win + A» düwmesi çalt sazlamalar, «Win+W» gurallar, «Win+N» kalendar we dýuduryşlar, «Win+Z» penjiräniň ýerleşmesi panellerini çagyrýar. Şeýle-de, «Control» düwmesine iki gezek basmak bilen ulanyjy syýanjygyň görkezijisini çalt tapyp biler. Windows 11 ulgamynda täze sazlamalar peýda boldy. Onda sazlamalaryň täze çyzgysy we görnüşi bilen birlikde, ençeme aýratynlyklary hem bar. Meselem, Kamera sazlamalarynda we birikdirilen kameralaryň hemmesinde giňişleýin sazlamalary geçirip bolýar.
Ulgamyň peýdaly aýratynlyklaryndan biri-de köp sanly iş penjireleriniň bolmagydyr. Ulanyjy olary öz islegine görä, atlandyryp, reňkini we ekran suratyny üýtgedip bilýär. Bulardan başga-da, operasion ulgamda ulanyjynyň rahat we öndürijilikli işi üçin peýdaly funksiýalar kän.
Taýýarlan Gülbahar SUHANOWA,
«Türkmenhimiýa» döwlet konserniniň Türkmenabat şäherindäki tehniki orta hünär okuw mekdebiniň mugallymy.
Çopantelpegiň adam saglygyna ýetirýän peýdaly täsirleri
Gadymy döwürlerden bäri halk lukmançylygynda şypaly ösümlik hökmünde giňden ulanylýan, dünýä ýurtlarynyň köpüsinde duş gelýän çopantelpek saglygymyz üçin örän peýdalydyr.
«Bejeriş binagärligi» hassalaryň ünsüni gussaly duýgulardan sowup, olarda ruhubelentlik döredýär
Ösümlikleriň, arassa howanyň, janly-jandarlaryň bejeriş ukyplary barada bilýän hem bolsak, binagärligiň şypa berijilik häsiýeti barada seýrek eşidilýär.
Gülli kelemiň peýdasy
Gülli kelemiň (brokkoli kelemi) watany gündogar Ortaýer deňzi sebiti hasaplanýar. Ol 2 ýyllyk ösümlik bolup, ýabany kelemden gelip çykýar. Häzirki wagtda hytaý, hindi, italýan, türk, fransuz, ispan we dünýäniň başga-da ýurtlarynyň aşhanalarynda giňden ulanylýar.
Çaganyň aň-akyl ösüşi üçin peýdaly önümler
Çaganyň aň-akyl taýdan kadaly ösmegi okuw-terbiýeçilik işinde esasy wezipe bolup durýar. Her bir ýaşda iýmitlenmegiň belli bir kadasy bolşy ýaly, çagalyk döwründe hem bu şeýledir.
Beýiniň peýdasy
Beýi peýdaly häsiýeti ýokary bolan miweleriň hataryna degişlidir. Biziň Türkmenistan ýurdumyzda hem beýi urugyndan adaty beýi görnüşi ösdürilip ýetişdirilýär. Aslynda, beýiniň gelip çykan ýerleri Kawkaz we Ortaýer deňiz kenarýakalary hasaplanýar. Beýi agaç görnüşli we gyrymsy bag bolup, boýy 8 metre çenli ýetýär.
