2022-nji ýylda dünýäde nebitiň we suwuk uglewodorodlaryň sarp edilişi günde 99,82 mln barrele deň bolar. Bu 2021-nji ýyldakydan 2,26 mln b/g artykdyr. Bu barada ABŞ-nyň Energetika ministrliginiň Energetika maglumatlary müdirliginiň aýlyk çaklamasynda aýdylýar diýip, Interfaks habar berýär.

Türkiýe öz çäginde gaz merkezi açylandan soň, tebigy gazyň bahalaryny emele getirmäge gatnaşmaga bil baglaýar. Bu barada sişenbe güni ýurduň energetika we tebigy serişdeler ministri Fatih Dönmez beýan etdi.

Prezident Serdar Berdimuhamedow duşenbe güni Amerikanyň Birleşen Ştatlarynyň Döwlet sekretarynyň Günorta we Merkezi Aziýanyň işleri boýunça kömekçisi Donald Lu bilen duşuşykda döwletara hyzmatdaşlygynyň ileri tutulýan meselelerini maslahatlaşdy diýip, TDH habar berýär.

Türkmenistan we ABŞ söwda-ykdysady hyzmatdaşlygyny mundan beýläk hem ösdürmäge ymtylýarlar. Bu barada Türkmenistanyň Daşary işler ministri Raşid Meredow Daşary işler ministrliginde ABŞ-nyň Döwlet sekretarynyň Günorta we Merkezi Aziýa gatnaşyklary boýunça kömekçisi Donald Lunyň baştutanlygyndaky wekiliýeti bilen duşuşygynda bellenilip geçildi.

Türki medeniýetiň halkara guramasynyň (TÜRKSOÝ) hemişelik geňeşiniň Türkiýe Respublikasynyň Bursa şäherinde geçirilen mejlisinde oňa gatnaşyjylar Magtymguly Pyragynyň 300 ýyllygy mynasybetli, 2024-nji ýyly “Türki dünýäniň beýik şahyry we akyldary Magtymguly Pyragy ýyly”, Türkmenistanyň gadymy Änew şäherini bolsa 2024-nji ýylda “Türki dünýäniň medeni paýtagty” diýip yglan etmek hakynda türkmen tarapynyň öňe süren başlangyçlaryny biragyzdan goldadylar.

Türkmenistanda jemi içerki önümiň ösüşi ýanwar-oktýabr aýlarynda 6,2 göterim derejesinde saklandy. Bu barada Prezident Serdar Berdimuhamedow şu ýylyň on aýynda alnyp barlan işleriň jemlerine bagyşlap geçiren Hökümet mejlisinde belledi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 9-sy hasaba alyndy.

Düýn, 5-nji noýabrda Türkmenistanyň nebitgaz toplumynyň merkezi binasynda «Halkyň Arkadagly zamanasy» ýylynyň geçen on aýynda ýerine ýetirilen işleriň jemlerine bagyşlanan hasabat ýygnagy geçirildi.

Geçen anna güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda şu ýylyň on aýynda halk hojalygynyň pudaklarynda alnyp barlan işleriň jemleri jemlenildi.

5-nji noýabrda ýurdumyzda hormatly Prezidentimiz Serdar Berdimuhamedowyň gatnaşmagynda Milli tokaý maksatnamasyny durmuşa geçirmegiň çäklerinde ählihalk bag ekmek dabarasyna badalga berildi.

Russiýanyň nebitgaz kompaniýalary Azerbaýjanda we Türkmenistanda ösmek üçin mümkinçilik alyp bilerler. Bu barada Abu-Dabide (ADIPEC) Nebitgaz pudagy boýunça Halkara serginiň we maslahatynyň çäklerinde Russiýanyň Senagatçylar we telekeçiler birleşiginiň müdirliginiň agzasy Wagit Alekperow žurnalistlere habar berdi. Bu barada Orient ýazýar.

Şu ýylyň başyndan bäri Hytaýa gaz iberiji iň iri ýurt Türkmenistandyr diýip, Interfaks agentligi HHR-iň Gümrük boýunça baş administrasiýasynyň maglumatlaryna salgylanyp habar berýär.

Türkmenistanyň Milli Ge¬ňeşiniň Halk Maslahatynyň Başlygy Gurbanguly Berdimuhamedow 1-3-nji noýabr aralygynda Russiýa Federasiýasynyň Federal Ýygnagynyň Federasiýa Ge¬ňeşiniň Başlygy Walentina Matwiýenkonyň çakylygy boýunça Moskwa resmi saparyny amala aşyrdy.

Napeco türkmen milli nebitgaz kompaniýasy Dubaýda ýerleşen we Hazar deňziniň türkmen kenaryndaky Çeleken käninde iş alyp barýan Dragon Oil kompaniýasy bilen Önümi paýlaşmak hakynda ylalaşykdan 5% paýnama aldy. Bu barada Argus garaşsyz nyrh agentligi habar berdi.

Çarşenbe güni Gazagystanyň Prezidenti Kasym-Žomart Tokaýew Hazar deňzinde türkmen-gazak döwlet serhediniň geçýän ugruny kesgitlemek we balyk tutulýan zolaklaryň ýanaşyk böleklerinde çäk çekmek hakynda Türkmenistan bilen şertnamany tassyklamak hakynda Kanuna gol çekdi. Ýurtlaryň arasyndaky ylalaşyga 2021-nji ýylyň oktýabr aýynda gol çekilipdi diýip, Gazagystanyň baştutanynyň metbugat gullugy habar berýär.