Peýdaly maslahatlar
163a9b79cad033.jpeg
ALYMLAR SPORTYŇ HAÝSY GÖRNÜŞINIŇ ADAM ÖMRÜNI UZALDÝANDYGYNY ANYKLADYLAR
26.12.22 - 20:02

Suwda ýüzmek adam üçin iň peýdaly sportdygyny yzygiderli tejribeler arkaly subut etdiler. Tejribeleriň netijelerine görä, 32 ýylyň dowamynda yzarlanan 20-90 ýaş aralygyndaky 40 müňden gowrak erkek adamlaryň üstünde geçirilen gözlegde ylgawçylara we ýöremegi halaýanlara garanyňda, ýüzüjileriň ölüm howpy 50% pesdi.


163970346ecb17.jpeg
Kädiniň peýdasy barada
12.12.22 - 15:32

Kädi peýdaly elementlere baý bolup, berhizlik üçin ýygy-ýygydan peýdalanylýar. Gadymy zamanlarda bu önümden dürli dermanlyk serişdeleri taýýarlanylypdyr, Lukman Hekim bolsa ony rahatlandyryjy, köşeşdiriji melhem hökmünde ulanmagy maslahat beripdir. Taryhçylaryň maglumatlaryna görä, kädi mundan ençeme müňýyllyklar öň hem ulanylypdyr.


16396fa1337162.jpeg
Gyzyl kelem – derdiňe melhem
12.12.22 - 14:53

Hünärmenler gyzyl kelemi hökman iýmitlik rejäňe goşmagy maslahat berýärler. Bu önümiň peýdasy ikuçsyz bolsa-da, ony köp mukdarda yzygiderli kabul etmek bolmaýar. Ol witaminlere we mikroelementlere baý bolup, ýaşululara, çagalara hem-de geljekki enelere maslahat berilýär. Onuň düzüminde peýdaly elementlerden retinol, askorbin kislotasy, witaminleriň topary, demir, magniý, sink, ýod, kalsiý, kaliý, marganes, fosfor we beýlekiler bar.


16396f5c532cfb.jpeg
Bedene eti – peýdaly önüm
12.12.22 - 14:35

Bedene eti ýeňil özleşdirilýän berhizlik önümlere degişlidir. Onuň düzüminde süňkler we myşsalar üçin peýdaly bolan beloklar köp mukdarda saklanýar. Bu bolsa sport bilen meşgullanýan adamlara, şeýle hem ösüp barýan çagalara peýdalydyr. Bedene etinde süňk we myşsa derisininiň ýagdaýyny gowulandyrýan kaliý, fosfor, mineral düzümleri, iýmit siňdiriş, nerw ulgamlarynyň işine oňaýly täsir edýän B witamin toparlary bar.


1638ccc06b8197.jpeg
Balyk etiniň peýdasy
04.12.22 - 21:34

Balyk aşa doýgun belokleryň çeşmesidir. Şeýle ýagdaýda, belokda beden üçin wajyp bolan aminokislota düzümleri örän köp mukdarda bolýar. Olar bolsa öz gezeginde myşsalaryň gurluşynda, süňkleriň, dokumalaryň sagdynlygyny saklamakda möhümdir. Şeýle-de, balyk etiniň düzümi ýarymdoýgun ýag kislotalaryna hem baýdyr.


1638caa4f1b1c5.jpeg
Zeýtun şalygy
04.12.22 - 19:10

Ýer ýüzünde Ispaniýada iň köp öndürilip, Gresiýada bolsa, iň köp sarp edilýän, elde ýygylýan ösümlik şerbeti bolan, ýylda 4 litre golaý ýag berýän her bir zeýtun agajy aslynda 2000 ýyla golaý wagt ömür sürmäge ukyplydyr.


1638ca6f0cbd38.jpeg
Ukynyň syrly dünýäsi
04.12.22 - 18:56

Uky ýaşaýyşyň janly- jandarynyň ömrüniň esasy bölegini düzýän wagty. Ukynyň täsiri, onuň ynsan saglygy bilen baglanşykly ýüzlerçe zatlara täsir edýänligi, ýene- de janly - jandaryň ukusynyň äleme gatnaşygy barada gürrüň etmek üçin elbetde ukynyň syrly dünýäsi hakda gyzyklanmak ýeterlik däl - de eýsem lukmançylyk ylmynda , biologiýada we tebigat ylymlarynda uka gidýän jandarlar, ýa - da gyş ukusyna gidýän jandarlar, ýa - da ömrüniň köp bölegini ukyda geçirýän jandarlar hakda hem söz açmak gyzykly bolsa gerek?!


1637920f71ba95.jpeg
Ýöremek — saglyga peýdaly
19.11.22 - 23:31

Saglygyňy goramak, sagdyn ömür sürmek her bir ýaşda möhüm bolup durýar. «Sagdyn bedende — sagdyn ruh» diýlişi ýaly, ynsan özüni güýç-kuwwatly, ruhubelent, göwnaçyk duýanda, onuň durmuşy we ýaşaýşy has-da gözelleşýär. Saglygyňy berkitmegiň, göwnüňi açmagyň, ruhuňy götermegiň ýönekeý we elýeterli görnüşleriniň biri-de arassa howada ýöremekdir.


1637917484b6c6.jpeg
Günebakar çigidi
19.11.22 - 22:50

Çigit- birýyllyk günebakaryň tohumy bolup, ol ýag öndürmek we iýmit üçin ulanylýar. Bu tohumlaryň uzynlygy 10-15 mm, ini bolsa 7-8 mm bolýar. Arassalanan çigitleriň 100 gram möçberinde ýaglar 49.57 gr, uglewodlar 18.76 gr, beloklar 22.78 we suw 1.21 gr mukdarda saklanýar. Günebakar çigitleriniň bedeniň saglygyny goramakda peýdaly aýratynlyklary bar, ýöne muňa garamazdan olary köp mukdarda yzygiderli ulanmak maslahat berilmeýär.


16378912ae2da0.jpeg
Nar — ýokumly miwe
19.11.22 - 13:17

Nar miwesi baradaky ýatlamalar öz gözbaşyny müňýyllyklardan alyp gaýdýar. Bu miwäniň daşky görnüşi, özboluşly goýy gyzyl reňki, täje meňzeş ösüntgisi onuň «şalaryň miwesi» adyna eýe bolmagyny düşündirýär.


1637889ff9ae5e.jpeg
Gülmegiň peýdasy barada
19.11.22 - 12:47

Häzirki tehnologiýalaryň ösen döwründe adamlaryň durmuş we iş şertleri yzygiderli gowulanýar we kämilleşýär. Muňa garamazdan ösen şäherlerde gündelik durmuşyň tizligine, täzeliklerine öwrenişmek aňsat däl. Şeýle şertlerde saglygyňy goramak, öz bedeniň barada alada etmek, içki dünýäňi mähirli duýgular, ýatlamalar bilen baýlaşdyrmak, göwnüňi açmak has-da möhümdir.


1634f9b541a9e1.jpeg
ALYMLAR TELEFONY ÝAKYNYŇDA GOÝMAGYŇ ZYÝANYNY DÜŞÜNDIRLER
19.10.22 - 11:38

Häzirki wagtda tehnologiýalaryň ösmegi bilen durmuş has kämilleşýär. Emma olaryň ýetirýän peýdasynyň bolşy ýaly, zyýany hem bardyr.Jübi telefonlary, soňra bolsa smartfonlar döräli bäri olaryň bedene täsiri barada diňe bir alymlar däl, eýsem ýönekeý ulanylyjylar hem gyzyklanýar.


1634f8aed668da.jpeg
Çaganyň saglygyny goramak
19.10.22 - 10:28

Irki ýaşlarda çagalaryň bedeninde yzygiderli üýtgeşmeler bolup geçýär. Bu döwürde olaryň saglygyny berkitmek, möwsümleýin kesellerden goramak, daşky gurşawa we onuň şertlerine uýgunlaşmagyny gazanmak her bir ene-atanyň wajyp aladasy bolup durýar.


163458dc5907d1.jpeg
Arpa dänesiniň peýdasy
11.10.22 - 20:37

Arpa dänesi galla önümi bolup, çalt bişmegi we has-da peýdaly bolmagy üçin daşy gabyksyz ýagdaýda alynýar. Ol, esasan çorbaly naharlara, işdäaçarlara goşulýar we agyr nähoşluklarda we saglygy dikeltmekde ulanylýar. Dänäniň düzüminde peýdaly elementler kän mukdarda saklanýar. Arpa dänesi gadymy zamanlarda hem iýmit hökmünde ulanylypdyr, ol «soltanlaryň iýmiti» adyna eýe bolupdyr.


163458b244c6d9.jpeg
Ananas – peýdaly miwe
11.10.22 - 20:26

Watany Günorta Amerika hasaplanylýan ananasy ösdürip ýetişdirmek XIX asyryň başlarynda has-da giň gerime eýe bolupdyr. Häzirki wagtda bu miwe Taýlandda, Flippinlerde we Braziliýada köpçülikleýin öndürilýär. Ananasyň süýji, ýakymly ysly we şireli miwesi ony köpleriň islegli miwesine öwürdi. Şeýle-de, onuň beden üçin peýdaly aýratynlyklary aýratyn bellenmäge mynasypdyr.